CWC Recruitment 2023: సెంట్రల్‌ వేర్‌హౌసింగ్‌ కార్పొరేషన్‌లో 153 కొలువులు.. రాత పరీక్ష ఇలా‌..

మొత్తం పోస్టుల సంఖ్య: 153
అసిస్టెంట్‌ ఇంజనీర్‌(సివిల్‌)-18, అసిస్టెంట్‌ ఇంజనీర్‌(ఎలక్ట్రికల్‌)-05, అకౌంటెంట్‌-24, సూపరిండెంట్‌(జనరల్‌)-11, జూనియర్‌ టెక్నికల్‌ అసిస్టెంట్‌-81, సూపరిండెంట్‌(జనరల్‌)-ఎస్‌ఆర్‌డీ(ఎన్‌ఈ)-2, జూనియర్‌ టెక్నికల్‌ అసిస్టెంట్‌ -ఎస్‌ఆర్‌డీ(ఎన్‌ఈ)-10, జూనియర్‌ టెక్నికల్‌ అసిస్టెంట్‌-ఎస్‌ఆర్‌డీ(లద్దాఖ్‌  యూటీ)-2 పోస్టులు ఉన్నాయి.

అర్హతలు

• అసిస్టెంట్‌ ఇంజనీర్‌(సివిల్‌): ఈ పోస్టులకు దరఖాస్తు చేయాలనుకునే వారు సివిల్‌ ఇంజనీరింగ్‌లో బీఈ/బీటెక్‌ పూర్తిచేసి ఉండాలి.
• అసిస్టెంట్‌ ఇంజనీర్‌(ఎలక్ట్రికల్‌): ఈ పోస్టులకు ఎలక్ట్రికల్‌ ఇంజనీరింగ్‌లో బీఈ /బీటెక్‌ పూర్తిచేసిన వారు దరఖాస్తు చేసుకోవచ్చు.
• అకౌంటెంట్‌: బీకాం/బీఏ(కామర్స్‌) లేదా చార్టర్‌ అకౌంటెంట్‌గా మూడేళ్ల పని అనుభవం ఉన్న వారు దరఖాస్తుకు అర్హులు.
• సూపరిండెంట్‌(జనరల్‌): ఏదైన విభాగంలో పోస్ట్‌ గ్రాడ్యుయేషన్‌ కోర్సు పూర్తిచేసిన వారు ఈ పోస్టులకు దరఖాస్తు చేసుకోవచ్చు.
• జూనియర్‌ టెక్నికల్‌ అసిస్టెంట్‌: అగ్రికల్చర్‌/జూవాలజీ/కెమిస్ట్రీ/బయో-కెమిస్ట్రీ విభాగాల్లో డిగ్రీ పూర్తిచేసిన వారు ఈ పోస్టులకు దరఖాస్తు చేసుకోవచ్చు.
• అన్ని పోస్టులకూ కంప్యూటర్‌ నాలెడ్జ్‌ను అదనపు అర్హతగా పరిగణì స్తారు.

చదవండి: HPCL Recruitment 2023: హెచ్‌పీసీఎల్, ముంబైలో 37 పోస్టులు.. ఎంపిక విధానం ఇలా‌..

వయసు
 24.09.2023 నాటికి జేటీఏ పోస్టులకు 28 ఏళ్లలోపు ఉండాలి. మిగతా ఉద్యోగాలకు 30 ఏళ్లు మించకూడదు. గరిష్ట వయసులో ఎస్సీ, ఎస్టీలకు ఐదేళ్లు, ఓబీసీ(ఎన్‌సీఎల్‌)లకు మూడేళ్లు, పీడబ్ల్యూబీడీలకు పదేళ్లు, ఎక్స్‌-సర్వీస్‌మెన్‌కు ఐదేళ్ల సడలింపు  ఉంటుంది.

వేతనాలు
అసిస్టెంట్‌ ఇంజనీర్, అకౌంటెంట్, సూపరిండెంట్‌ ఉద్యోగాలకు ఎంపికైన వారికి రూ.40,000- రూ.1,40,000(ఈ-1) వేతనంగా లభిస్తుంది. అ లాగే జూనియర్‌ అసిస్టెంట్‌ ఎంపికైన వారు రూ. 29,000-రూ.93,000 వేతనంగా పొందవచ్చు.

చదవండి: SJVN Limited Recruitment 2023: 155 ఫీల్డ్‌ స్టాఫ్‌ పోస్టులు.. నెలకు రూ.45,000 జీతం..

రాత పరీక్ష

• అసిస్టెంట్‌ ఇంజనీర్‌(సివిల్‌)/(ఎలక్ట్రికల్‌): ఈ పోస్టులకు సంబంధించి రాత పరీక్ష ఆన్‌లైన్‌ విధానంలో నిర్వహిస్తారు. మొత్తం 145 ప్రశ్నలకు-200 మార్కులకు పరీక్ష ఉంటుంది. ఇందులో 6 విభాగాల నుంచి ప్రశ్నలు అడుగుతారు. పరీక్ష వ్యవధి రెండున్నర గంటలు. ప్రశ్నపత్రం హిందీ, ఇంగ్లిష్‌  భాషల్లో ఉంటుంది.
• అకౌంటెంట్‌: ఆన్‌లైన్‌ పరీక్షలో 200 ప్రశ్నలు-200 మార్కులకు ఉంటాయి. రీజనింగ్‌ అండ్‌ కంప్యూటర్‌ ఆప్టిట్యూడ్‌ 40 ప్రశ్నలు-40 మార్కులు, ఇంగ్లిష్‌ లాంగ్వేజ్‌ 35 ప్రశ్నలు-35 మార్కులు. డేటా అనాలిసిస్‌ అండ్‌ ఇంటర్‌ప్రెటేషన్‌ అండ్‌ క్వాంటిటేటివ్‌ ఆప్టిట్యూడ్‌ 40 ప్రశ్నలు-40 మార్కులు, జనరల్‌ అవేర్‌నెస్‌ 20 ప్రశ్నలకు-20 మార్కులకు ఉంటుంది. ప్రొఫెషనల్‌ నాలెడ్జ్‌ 65 ప్రశ్నలకు-65 మార్కులు. పరీక్ష వ్యవధి 3 గంటలు.
• సూపరిండెంట్‌(జనరల్‌): ఈ పరీక్ష ఆన్‌లైన్‌ విధానంలో రెండున్నర గంటల వ్యవధిలో ఉంటుంది. మొత్తం 200 ప్రశ్నలకు-200 మార్కులు ఉంటాయి. రీజనింగ్‌ అండ్‌ కంప్యూటర్‌ ఆప్టిట్యూడ్‌ 50 ప్రశ్నలకు-50 మార్కులు. డేటా అనాలిసిస్‌ అండ్‌ ఇంటర్‌ప్రెటేషన్, క్వాంటిటేటివ్‌ ఆప్టిట్యూడ్‌ 50 ప్రశ్నలకు-50 మార్కులు, జనరల్‌ అవేర్‌నెస్‌ 50 ప్రశ్నలు-50 మార్కులు. ప్రశ్నపత్రం హిందీ, ఇంగ్లిష్‌ భాషల్లో ఉంటుంది.
• జూనియర్‌ టెక్నికల్‌ అసిస్టెంట్‌: ఈ పరీక్ష ఆన్‌లైన్‌ విధానంలో రెండున్నర గంటల వ్యవధిలో ఉంటుంది. మొత్తం 200 ప్రశ్నలకు-200 మార్కులు ఉంటాయి. రీజనింగ్‌ అండ్‌ కంప్యూటర్‌ ఆప్టిట్యూడ్‌ 40 ప్రశ్నలకు-40 మార్కులు, ఇంగ్లిష్‌ లాంగ్వేజ్‌ 35 ప్రశ్నలు-35 మార్కులు. డేటా అనాలిసిస్‌ అండ్‌ ఇంటర్‌ప్రెటేషన్‌ అండ్‌ క్వాంటిటేటివ్‌ ఆప్టిట్యూడ్‌ 40 ప్రశ్నలకు-40 మార్కులు, జనరల్‌ అవేర్‌నెస్‌ 20 -ప్రశ్నలు 20 మార్కులు. ప్రశ్నపత్రం హిందీ, ఇంగ్లిష్‌ భాషల్లో ఉంటుంది. పరీక్ష సమయం రెండున్నర గంటలు.

చదవండి: Coal India Limited Recruitment 2023: 560 మేనేజ్‌మెంట్‌ ట్రైనీ పోస్టులు.. పూర్తి వివరాలు ఇవే..

ముఖ్యసమాచారం

• దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.
• దరఖాస్తులకు చివరి తేదీ: 24.09.2023
• వెబ్‌సైట్‌: https://www.cewacor.nic.in/