టీఎస్‌పీఎస్సీ–ఆర్‌ఐఎంసీలో ఎనిమిదో తరగతి ప్రవేశాలు

వివరాలు:
అర్హత: ఏడో తరగతి చదువుతున్న లేదా ఏడో తరగతి ఉత్తీర్ణులైన విద్యార్థులు అర్హులు.
వయసు: 01.01.2022 నాటికి పదకొండున్నర ఏళ్లకు తగ్గకుండా పదమూడేళ్లకు మించకుండా ఉండాలి. 02.01.2009–01.07.2010 మధ్య జన్మించి ఉండాలి.

ఎంపిక విధానం: రాతపరీక్ష, వైవా వాయిస్, మెడికల్‌ ఎగ్జామినేషన్‌ ఆధారంగా ఎంపిక ప్రక్రియ ఉంటుంది.

పరీక్షా విధానం: రాత పరీక్షలో మొత్తం మూడు పేపర్లు ఉంటాయి. అవి మ్యాథ మేటిక్స్, జనరల్‌ నాలెడ్జ్, ఇంగ్లిష్‌. ఇందులో మ్యాథమేటిక్స్‌ 200 మార్కులకు, జనరల్‌ నాలెడ్జ్‌ 75 మార్కులకు, ఇంగ్లిష్‌ 125 మార్కులకు ఉంటుంది. ప్రతి పేపర్‌లో కనీస ఉత్తీర్ణత మార్కులు 50శాతం ఉండాలి. రాత పరీక్షలో అర్హత సాధించిన అభ్యర్థులకు వైవా వాయిస్‌ నిర్వహిస్తారు. దీనిలో కనీస ఉత్తీర్ణత మార్కులు 50 శాతం ఉండాలి. ఈ రెండింటిలో అర్హత సాధించిన అభ్యర్థులకు చివరిగా మెడికల్‌ టెస్ట్‌ ఉంటుంది.

దరఖాస్తు విధానం: ఆఫ్‌లైన్‌ ద్వారా దరఖాస్తు చేసుకోవాలి. దరఖాస్తును ది రాష్ట్రీయ ఇండియన్‌ మిలిటరీ కాలేజ్, గర్హి కాంట్, డెహ్రాడూన్, ఉత్తరాఖండ్, పిన్‌–248003 చిరునామాకు పంపించాలి.

దరఖాస్తులకు చివరి తేది: ఏప్రిల్‌ 15, 2021.
పరీక్ష తేది: జూన్‌ 5, 2021.

పూర్తి సమాచారం కోసం క్లిక్‌ చేయండి: www.rimc.gov.in.