Management Trainee Jobs: కోల్‌ ఇండియాలో 481 పోస్టులు.. పూర్తి వివ‌రాలు ఇవే..

Sakshi Education

Coal India Recruitment 2022 For Management Trainee Jobs

కోల్‌కతా ప్రధాన కేంద్రంగా ఉన్న భారత ప్రభుత్వ బొగ్గు మంత్రిత్వశాఖకు చెందిన మహారత్న సంస్థ..కోల్‌ ఇండియా లిమిటెడ్‌(సీఐఎల్‌) పలు ఉద్యోగాలకు ప్రకటన విడుదల చేసింది. ఈ నియామక ప్రక్రియలో భాగంగా మొత్తం 481 మేనేజ్‌మెంట్‌ ట్రైనీ పోస్టులను భర్తీ చేయనుంది. పూర్తి వివరాలు..

మొత్తం 481 ఉద్యోగాల భర్తీకి నోటిఫికేషన్‌

మొత్తం పోస్టుల సంఖ్య: మేనేజ్‌మెంట్‌ ట్రెయినీ –481.
రిజర్వేషన్ల వారీగా.. జనరల్‌–213, ఈడబ్ల్యూఎస్‌లకు–47, ఎస్టీలకు–65, ఎస్టీలకు–34, ఓబీసీలకు (ఎన్‌సీఎల్‌)–122 కేటాయించారు.

విభాగాల వారీగా ఖాళీలు

పర్సనల్‌ అండ్‌ హెచ్‌ఆర్‌: ఈ విభాగంలో మొత్తం 138 ఖాళీలు ఉన్నాయి. ఇందులో జనరల్‌–60, ఈడబ్ల్యూఎస్‌–14, ఎస్సీ–20, ఎస్టీ–08, ఓబీసీ(ఎన్‌సీఎల్‌)–36.
ఎన్విరాన్‌మెంట్‌: ఈ విభాగంలో 68 ఖాళీలున్నాయి. వీటికి సంబంధించి జనరల్‌–30, డబ్ల్యూఎస్‌–07, ఎస్సీ–10, ఎస్టీ–05, ఓబీసీ (ఎన్‌సీఎల్‌)–16.
మెటీరియల్స్‌ మేనేజ్‌మెంట్‌: ఇందులో మొత్తం 115 ఖాళీలు ఉన్నాయి. జనరల్‌–53, డబ్ల్యూఎస్‌–11, ఎస్సీ–14, ఎస్టీ–08, ఓబీసీ (ఎన్‌సీఎల్‌)–03.
మార్కెటింగ్‌ అండ్‌ సేల్స్‌: ఈ విభాగంలో 17 పోస్టులున్నాయి. ఇందులో జనరల్‌–10, ఈడబ్ల్యూఎస్‌–02, ఎస్సీ–02, (ఎన్‌సీఎల్‌)–03.
కమ్యూనిటీ డెవలప్‌మెంట్‌: ఈ విభాగానికి సంబంధించి మొత్తం 79 ఖాళీలున్నాయి. జనరల్‌–33, ఈడబ్ల్యూఎస్‌–08, ఎస్సీ–11, ఎస్టీ–06, ఓబీసీ (ఎన్‌సీఎల్‌)–21.
లీగల్‌: ఈ విభాగంలో 54 పోస్టులు ఖాళీగా ఉన్నాయి. జనరల్‌–21, ఈడబ్ల్యూఎస్‌–05, ఎస్సీ–08, ఎస్టీ–06, ఓబీసీ (ఎన్‌సీఎల్‌)–14.
పబ్లిక్‌ రిలేషన్స్‌: ఈ పోస్టులకు సంబంధించి 6 ఖాళీలున్నాయి. జనరల్‌–03, ఎస్టీ–01, ఓబీసీ (ఎన్‌సీఎల్‌)–02.
కంపెనీ సెక్రటరీ: ఇందులో 4 ఖాళీలు ఉన్నాయి. ఇందులో జనరల్‌–03, ఓబీసీ (ఎన్‌సీఎల్‌)–01.

చ‌ద‌వండి: ONGC Recruitment 2022: ఓపీఏఎల్, వడోదరలో వివిధ పోస్టులు.. ఎవరు అర్హులంటే

అర్హతలు

సంబంధిత స్పెషలైజేషన్‌ను అనుసరించి గ్రాడ్యుయేషన్‌ డిగ్రీ/ఇంజనీరింగ్‌ డిగ్రీ/పీజీ/పీజీ డిప్లొమా/ఎంబీఏ పూర్తిచేసుకున్న అభ్యర్థులు దరఖాస్తుకు అర్హులు.

వయసు

జనరల్, ఈడబ్ల్యూఎస్‌ అభ్యర్థులకు మే 31, 2022 నాటికి వయసు 30ఏళ్లకు మించి ఉండకూడదు. ఓబీసీలకు మూడేళ్లు, ఎస్సీ, ఎస్టీలకు ఐదేళ్లు, దివ్యాంగులకు పదేళ్ల వరకు వయోపరిమితిలో సడలింపు లభిస్తుంది. పీడబ్ల్యూడీ : జనరల్‌ 10, ఓబీసీ–13 ఏళ్లు, ఎస్సీ, ఎస్టీలకు 15 ఏళ్లు అదనపు సడలింపు వర్తిస్తుంది.

ఎంపిక ఇలా

అభ్యర్థుల ఎంపిక ఆన్‌లైన్‌ విధానంలో కంప్యూటర్‌ బేస్డ్‌ టెస్ట్‌ ఆధారంగా జరుగుతుంది. పరీక్ష సమయం 3 గంటలు. ఇంగ్లిష్, హిందీ భాషల్లో పరీక్ష రాసుకోవచ్చు. రెండు పేపర్లుగా(పేపర్‌–1, పేపర్‌–2) మల్టిపుల్‌ చాయిస్‌ విధానంలో ప్రశ్నపత్రం ఉంటుంది. ఒక్కో పేపరు 100 మార్కులకు ఉంటుంది. పేపర్‌–1 సంబంధించి జనరల్‌ నాలెడ్జ్‌/అవేర్‌నెస్, రీజనింగ్, న్యూమరికల్‌ ఎబిలిటీ, జనరల్‌ ఇంగ్లిష్‌ ఉంటాయి. పేపర్‌–2 ప్రొఫెషనల్‌ నాలెడ్జ్‌ (సంబంధిత సబ్జెక్టుల్లో సంబం«ధించిన) విభాగం నుంచి ప్రశ్నలుంటాయి. ప్రతి ప్రశ్నకు ఒక మార్కును కేటాయిస్తారు. నెగిటివ్‌ మార్కులులేవు.
క్వాలిఫయింగ్‌ మార్కులు: జనరల్, ఈడబ్ల్యూఎస్‌ అభ్యర్థులు ప్రతి పేపర్‌లోనూ 40 మార్కులు సాధించాలి. ఓబీసీ(నాన్‌ క్రీమీలేయర్‌) అభ్యర్థులు ప్రతి పేపర్‌లోనూ 35 మార్కులు సాధించాలి. ఎస్సీ/ఎస్టీ/పీడబ్ల్యూడీ అభ్యర్థులకు 30 మార్కులు రావాలి.
తుది ఎంపిక: డాక్యుమెంట్స్‌ వెరిఫికేషన్, మెడికల్‌ ఎగ్జామినేషన్‌ తర్వాత అభ్యర్థులను తుది ఎంపిక చేస్తారు.

పరీక్ష కేంద్రాలు

ఆన్‌లైన్‌ దరఖాస్తు సమయంలో తెలియజేసిన పరీక్ష కేంద్రాలకు సంబంధించిన జాబితా ఉంటుంది. అందులో మూడు ప్రాధాన్యత కేంద్రాలను ఎంపిక చేసుకోవాలి. ఒకసారి పరీక్ష కేంద్రాన్ని ఎంపిక చేసుకున్న తర్వాత తిరిగి మార్పులకు అవకాశం ఉండదు.
ఆన్‌లైన్‌(సీబీటీ) పరీక్షను ఏ తేదీన నిర్వహించేది ఈ–మెయిల్‌ ద్వారా పంపించే అడ్మిట్‌ కార్డ్‌లో తెలియజేస్తారు. సీబీటీలో అర్హత సాధించిన విద్యార్థులు పేర్ల జాబితాను వెబ్‌సైట్‌లో అందుబాటులో ఉంచుతారు.