DME: 1,442 అసిస్టెంట్ ప్రొఫెసర్ పోస్టుల జాబితా విడుదల
Sakshi Education
సాక్షి, హైదరాబాద్: వైద్య విద్యా సంచాలకుల (డీఎంఈ) పరిధిలో 1,442 అసిస్టెంట్ ప్రొఫెసర్ పోస్టుల ప్రాథమిక మెరిట్ జాబితాను తెలంగాణ మెడికల్ హెల్త్ సర్వీసెస్ రిక్రూట్మెంట్ బోర్డ్ మార్చి 28న విడుదల చేసింది.
1,442 అసిస్టెంట్ ప్రొఫెసర్ పోస్టుల జాబితా విడుదల
మార్చి 29 ఉదయం 10.30 గంటల నుంచి ఏప్రిల్ ఒకటో తేదీ సాయంత్రం 5.30 గంటల వరకు అభ్యంతరాలు స్వీకరిస్తారు. అభ్యంతరాలను దరఖాస్తుదారు లాగిన్లో మాత్రమే ఆన్లైన్లో దాఖలు చేయాలని బోర్డు సభ్య కార్యదర్శి గోపీకాంత్రెడ్డి తెలిపారు.
మెరిట్ జాబితా, ఇతర వివరాల కోసం mhsrb. telangana. gov.in సందర్శించాలని సూచించారు. అభ్యంతరాలు స్వీకరించిన అనంతరం వీరికి పది రోజుల్లో కౌన్సెలింగ్ నిర్వహిస్తామన్నారు. అనంతరం వారి ఆప్షన్ల ప్రకారం పోస్టింగ్ ఇస్తామని తెలిపారు.