Indian Coast Guard Notification 2024: ఇంటర్‌ విద్యార్హతతో 260 నావిక్‌ ఉద్యోగాలు.. ఎంపిక ఇలా

మొత్తం పోస్టులు: 260 (ఈస్ట్‌ జోన్‌ 33)
అర్హతలు
మ్యాథ్స్, ఫిజిక్స్‌ సబ్జెక్టులతో ఇంటర్‌ ఉత్తీర్ణులు ఈ పోస్టులకు దరఖాస్తు చేసుకోవచ్చు. నిర్దిష్ట శారీరక ప్రమాణాలు ఉండాలి. వయసు:18-22ఏళ్లలోపు ఉండాలి. ఎస్సీ,ఎస్టీలకు ఐదేళ్లు;ఓబీసీలకు మూడేళ్లు గరిష్ట వయసులో సడలింపు లభిస్తుంది.ఈ పోస్టులకు పురుషులు మాత్రమే దరఖాస్తు చేసుకోవాలి.

వేతనాలు
ఈ ఉద్యోగంలో చేరిన వారికి లెవల్‌-3 ప్రకారం- రూ.21,700 మూలవేతనంగా లభిస్తుంది. దీంతోపాటు డీఏ, హెచ్‌ఆర్‌ఏ, ప్రోత్సహాకాలు అదనం. అన్నీ కలిపి ఈపోస్టుల్లో చేరిన వారికి నెలకు రూ.40వేల వరకు వేతనంగా పొందే అవకాశం ఉంటుంది. ఈ పోస్టులకు ఎంపికైన వారు నావిక్‌ నుంచి ప్రధాన నావిక్, అధికారి, ఉత్తమ అధికారి, ప్రధాన అధికారి (లెవల్‌-8) హోదా వరకు చేరుకోవచ్చు.

చదవండి: Indian Army Recruitment 2024: అగ్నిపథ్‌ పథకం... సోల్జర్‌ టెక్నికల్‌ నర్సింగ్‌ అసిస్టెంట్‌ పోస్టులు.. ఎంపిక విధానం ఇలా‌!

ఎంపిక ఇలా
స్టేజ్‌1, స్టేజ్‌ 2, స్టేజ్‌ 3, స్టేజ్‌ 4 పరీక్షలు, వైద్య పరీక్షలు, ధ్రువపత్రాల పరిశీలన ద్వారా ఎంపిక చేపడతారు. ఎంపికైన వారికి శిక్షణ ఇచ్చి.. అనంతరం ఉద్యోగంలోకి తీసుకుంటారు.

స్టేజ్‌ 1 రాత పరీక్ష

• స్టేజ్‌ 1న పరీక్షను ఆన్‌లైన్‌ విధానంలో నిర్వహిస్తారు. రెండు సెక్షన్‌ల నుంచి ప్రశ్నలు అడుగుతారు. నెగిటివ్‌ మార్కులు లేవు.
• సెక్షన్‌-1: ఈ విభాగంలో ప్రశ్నలు పదోతరగతి స్థాయిలోనే అడుగుతారు. మొత్తం 60 మార్కులకు-60 ప్రశ్నలు ఉంటాయి. ఇందులో మ్యాథ్స్‌-20, సైన్స్‌-10, ఇంగ్లిష్‌-15, రీజనింగ్‌-10, జీకేల నుంచి 5 ప్రశ్నలుంటాయి. పరీక్ష వ్యవధి 45 నిమిషాలు ఉంటుంది.
• సెక్షన్‌-2: ఈ విభాగంలో 50 మార్కులుంటాయి. 50 ప్రశ్నలు వస్తాయి. వ్యవధి 30 నిమిషాలు. ఇంటర్మీడియట్‌ సిలబస్‌ నుంచి మ్యాథ్స్,ఫిజిక్స్‌ ఒ­క్కో సబ్జెక్టులో 25చొప్పున ప్రశ్నలు అడుగుతారు.
• ప్రతి సెక్షన్‌లోనూ కనీస మార్కులు సాధించడం తప్పనిసరి. జనరల్‌ అభ్యర్థులు సెక్షన్‌-1లో 30, సెక్షన్‌-2లో 20 చొప్పున మార్కులు పొందాలి. ఎస్సీ, ఎస్టీలకు..సెక్షన్‌-1లో 27, సెక్షన్‌-2లో 17 చొప్పున మార్కులు వస్తే అర్హులుగా పరిగణిస్తారు. ఇలా అర్హత సాధించిన వారి జాబితా నుంచి మెరిట్, రిజర్వేషన్ల్‌ ప్రకారం ఖాళీలకు అనుగుణంగా స్టేజ్‌-2కు ఎంపిక చేస్తారు.

చదవండి: Indian Army Recruitment 2024: జెడ్‌ఆర్‌వో చెన్నైలో సిపాయి ఫార్మా పోస్టులు.. ఎంపిక విధానం ఇలా‌..

స్టేజ్‌-2 అర్హత పరీక్ష మాత్రమే
ఈ పరీక్షలను ఒకటి లేదా రెండు రోజుల వ్యవధితో నిర్వహిస్తారు. ఇందులో అసెస్‌మెంట్‌/అడాప్టబిలిటీ టెస్ట్, ఫిజికల్‌ ఫిట్‌నెస్‌ టెస్ట్, డాక్యుమెంట్‌ వెరిఫికేషన్, రిక్రూట్‌మెంట్‌ మెడికల్‌ ఎగ్జామినేషన్‌ ఉంటాయి. వీటిల్లో అర్హత సాధిస్తే సరిపోతుంది. మార్కు­లు ఉండవు. ఇందులో భాగంగా నిర్వహించే పరీక్షలో సమాధానాలు ఓఎంఆర్‌షిట్‌పై గుర్తించాలి. పరీక్ష జరిగిన గంట తర్వాత ఫలితాలు ప్రకటిస్తారు. ఇందులో అర్హత 
సాధించినవారికే తర్వాతి దశకు పంపిస్తారు.

• స్టేజ్‌-3: మొదటి రెండు దశల్లో (స్టేజ్‌-1,2)ప్రతిభను పరిగణలోకి తీసుకొని స్టేజ్‌-3కి ఎంపిక చేస్తారు. అంటే స్టేజ్‌-2లో అర్హత సాధించిన వారి­ని స్టేజ్‌-1 మెరిట్‌తో స్టేజ్‌-3కి ఎంపిక చేస్తారు. వీరికి ఐఎన్‌ఎస్‌ చిల్కలో మెడికల్‌ పరీక్షలను నిర్వహించి అర్హులైన వారిని స్టేజ్‌-4 ఎంపిక చేస్తారు.
• స్టేజ్‌-4: ఈ దశలో భాగంగా అభ్యర్థుల ఒరిజనల్‌ సర్టిఫికేట్స్‌ మరోమారు పరిశీలించి అన్ని సరిగా ఉంటే ట్రైనింగ్‌లోకి తీసుకుంటారు.

స్టేజ్‌-1 పరీక్షలను ఏప్రిల్, స్టేజ్‌-2 పరీక్షలను మే­లో,స్టేజ్‌-3 పరీక్షలను అక్టోబర్‌లో నిర్వహిస్తారు.

శిక్షణ ఇలా
ఈ పోస్టులకు ఎంపికైన వారికి సెప్టెంబర్‌లో బేసి­క్‌ ట్రైనింగ్‌ ఐఎన్‌ఎస్‌ చిల్కలో ప్రారంభమవుతుంది. ఈ ట్రైనింగ్‌ వ్యవధి 16 వారాలు ఉంటుంది. ఆ త­ర్వాత వీరికి సముద్రంలో 6నెలల నుంచి రెండున్నర ఏళ్ల వరకు శిక్షణ ఇస్తారు. శిక్షణను విజయవంతంగా పూర్తిచేసుకున్నవారిని ఉద్యోగంలోకి తీసుకుంటారు.

ముఖ్యసమాచారం

• దరఖాస్తు విధానం: ఆన్‌లైన్‌ ద్వారా.
• దరఖాస్తులకు చివరి తేదీ: ఫిబ్రవరి 27, 2023
• వెబ్‌సైట్‌: https://joinindiancoastguard.cdac.in/