అందులో భాగంగానే 2022–23 సంవత్సరంలో ఇన్‌స్పైర్‌ మనక్‌ ప్రదర్శనలు నిర్వహించేందుకు దేశ వ్యాప్తంగా విద్యార్థుల నుంచి ఆలోచనలు ఆహ్వానించింది. ఇందుకోసం జిల్లా నుంచి విద్యార్థులు పలు ప్రాజెక్టుల ఆలోచనలను ఆన్‌లైన్‌లో పంపారు.
వాటిలో 143 ప్రాజెక్టులు జిల్లాస్థాయిలో ప్రదర్శనకు ఎంపికయ్యాయి. ఆ ప్రాజెక్టులను ప్రదర్శించేందుకు విద్యార్థుల అకౌంట్లలో రూ.10 వేలు జమ చేశారు. వాటికి సంబంధించి గతేడాది నవంబర్‌లోనే ప్రదర్శన నిర్వహించాల్సి ఉండగా ఎన్నికల కారణంగా వాయిదా పడింది. సమయం తక్కువగా ఉండటం వల్ల ఈసారి ఇన్‌స్పైర్‌ మనక్‌ ప్రదర్శనలు ఆన్‌లైన్‌లో నిర్వహిస్తున్నారు.
చదవండి: ISRO Success: ఇస్రో ప్రయోగం విజయవంతం.. కొత్త ఏడాదోలో మొదటి సక్సెస్‌గా నిలిచిన ప్రయత్నం..!
18వ తేదీ వరకు ఆన్‌లైన్‌లో అప్లోడ్..
జిల్లా స్థాయిలో వైజ్ఞానిక ప్రదర్శనకు ఎంపికై న 143 ప్రాజెక్టులను విద్యార్థులు ఈ నెల 18వ తేదీలోగా ఆన్‌లైన్‌లో అప్లోడ్ చేయాల్సి ఉంది. విద్యార్థులు తయారు చేసిన ప్రాజెక్టులకు సంబంధించి వీడియో, ఆడియోలను ఆన్‌లైన్‌లో అప్లోడ్ చేయాలి. ఒక్కో వీడియో నిడివి రెండు నిమిషాలు. డాటా 30 ఎంబీ దాటకూడదని నిర్ణయించారు.
షెడ్యూల్‌ ఇలా..
ఈ నెల 18 వరకు విద్యార్థులు ఆన్‌లైన్‌లో ప్రాజెక్టులను అప్లోడ్ చేయాల్సి ఉంటుంది. 19 నుంచి 25 వరకు మూల్యాంకనం చేస్తారు. ఉత్తమ ప్రాజెక్టులను రాష్ట్ర స్థాయికి ఎంపిక చేస్తారు. రాష్ట్రస్థాయి పోటీలకు ఎంపికై న వాటిని ఫిబ్రవరి 1 నుంచి 3వ తేదీ వరకు మూల్యాంకనం చేస్తారు. ఆ తర్వాత జాతీయ స్థాయికి ప్రాజెక్టులను ఎంపిక చేస్తారు.
ముగ్గురు న్యాయ నిర్ణేతలు..
విద్యార్థుల ప్రాజెక్టులను పరిశీలించేందుకు నేషనల్‌ ఇన్నోవేషన్‌ ఫౌండేషన్‌ నుంచి ఒక్కరు, జిల్లా నుంచి ఇద్దరు అసిస్టెంట్‌ ప్రొఫెసర్లు న్యాయ నిర్ణేతలుగా వ్యవహరించనున్నారు. ఆ ముగ్గురు ఆన్‌లైన్‌లోనే పరిశోధనలు పరిశీలిస్తారు. ప్రతి నమూనాకు పది చొప్పున మార్కులు ఉంటాయి. ప్రతిభ ఆదారంగా మార్కులు కేటాయిస్తారు. ప్రతి జిల్లాలో ఎంపికై న ప్రదర్శనల్లో పది శాతం ప్రాజెక్టులను రాష్ట్రస్థాయికి ఎంపిక చేస్తారు.
More Articles
