అందుకోసం ఇంజినీరింగ్‌ విద్యార్థులకు ఇంటర్న్‌షిప్‌తో పాటు స్టైఫండ్‌ అవకాశాన్ని ఉన్నత విద్యాశాఖ సమన్వయంతో పాఠశాల విద్యా శాఖ, సమగ్ర శిక్ష చేపట్టిందన్నారు.
ప్రభుత్వ పాఠశాలల్లో కొత్తగా ప్రవేశపెట్టిన ‘ఫ్యూచర్‌ స్కిల్‌ ఎక్స్‌పర్ట్‌’పై జ‌నవ‌రి 9న ఆన్‌లైన్‌ ఓరియెంటేషన్‌ ప్రొగ్రాం విజయవాడలోని సమగ్ర శిక్ష రాష్ట్ర కార్యాలయంలో ప్రారంభించారు. ఇందులో ప్రవీణ్‌ ప్రకాశ్‌తో పాటు ఉన్నత విద్యామండలి చైర్మన్‌ ప్రొఫెసర్‌ కె.హేమచంద్రారెడ్డి, పాఠశాల విద్యాశాఖ కమిషనర్‌ సురేష్‌ కుమార్, ఇన్‌ఫ్రా కమిషనర్‌ కాటమనేని భాస్కర్, సమగ్ర శిక్ష ఎస్పీడీ శ్రీనివాసరావు ఇతర ఉన్నతాదికారులు పాల్గొన్నారు.
చదవండి: Artificial Intelligence: కృత్రిమ మేధతో నవ ప్రపంచం?
ప్రవీణ్‌ ప్రకాష్‌ మాట్లాడుతూ.. రాష్ట్రంలో చేపడుతున్న ప్రతిష్టాత్మక విద్యాభివృద్ధి కార్యక్రమాలలో ఇంజినీరింగ్‌ విద్యార్థులు కూడా భాగం కావాలన్నారు. వీరు తమకు కేటాయించిన పాఠశాలల్లో ఇంటరాక్టివ్‌ ప్లాట్‌ ప్యానళ్లు, విద్యార్థులకు ట్యాబ్‌ల వాడకంపై 3–4 నెలల పాటు మార్గనిర్దేశనం చేస్తారన్నారు.
8, 9 తరగతుల విద్యార్థులకు ఇచ్చిన ట్యాబ్‌లు ద్వారా నాణ్యమైన విద్యను అందించాలనే రాష్ట్ర ప్రభుత్వ ఆశయాన్ని గుర్తు చేశారు. వచ్చే విద్యా సంవత్సరం నుంచి విద్యార్థులకు ఫ్యూచర్‌ స్కిల్స్‌ సబ్జెక్టు అందుబాటులోకి వస్తుందని తెలిపారు.
చదవండి: INSPIRE MANAK: ఇన్‌స్పైర్‌ మనక్‌ ప్రదర్శనలు.. ఈ తేదీ లోగా ఆన్‌లైన్‌లో అప్‌లోడ్ చేయ‌లి
ఏఐ, డేటా మేనేజ్‌మెంట్, మెషిన్‌ లెర్నింగ్, చాట్‌ జీపీటీ, వెబ్‌ 3.0, ఆగ్మెంటెడ్‌ రియాలిటీ, వర్చువల్‌ రియాలిటీ, ఇంటర్నెట్‌ ఆఫ్‌ థింగ్స్‌ వంటి సాంకేతికత పరిజ్ఞానాన్ని విద్యార్థులకు బోధించనున్నట్టు వివరించారు. ఈ కార్యక్రమాన్ని జ‌నవ‌రి 22న ప్రారంభిస్తామని ఉన్నత విద్యామండలి చైర్మన్‌ హేమచంద్రారెడ్డి తెలిపారు. ఇంటర్న్‌షిప్‌లో భాగంగా ఇంజినీరింగ్‌ విద్యార్థులు ఈ ప్రాజెక్ట్‌ను పూర్తి చేస్తే 8 క్రెడిట్‌లు అందిస్తామన్నారు.
More Articles
