జిల్లాలోని ఎంపిక చేసిన పాఠశాలల ప్రధానోపాధ్యాయులు, ఉపాధ్యాయులకు నగరంలోని తాళ్ల పద్మావతి కళాశాలలో నిర్వహిస్తున్న శాలసిద్ధి శిక్షణ కార్యక్రమం ఆగ‌ష్టు 1న ముగిసింది. ఈ కార్యక్రమానికి ముఖ్య అతిథిగా ఫ్లోరెన్స్‌ హాజరై మాట్లాడారు. స్వీయ మూల్యాంకనం ద్వారా పాఠశాల అభివృద్ధికి ప్రణాళికను తయారు చేసుకోవాలన్నారు.
చదవండి: Teacher Jobs: టీచర్ల నియామకానికి దరఖాస్తుల ఆహ్వానం
ప్రతి అంశంలో పాఠశాలను ఉన్నత స్థాయికి తీసుకెళ్లేందుకు సమాజ భాగస్వామ్యం, అధికారుల సహకారంతో అభివృద్ధి ప్రణాళికలు మెరుగుపర్చాలని సూచించారు. ఈ కార్యక్రమంలో అసిస్టెంట్‌ కోర్సు డైరెక్టర్‌ రమేష్‌బాబు మాట్లా డుతూ.. పాఠశాల స్థాయిని వెబ్‌ పోర్టల్‌లో నమోదు చేసి రాష్ట్ర స్థాయిలో జిల్లాకు గుర్తింపు తీసుకురావాలన్నారు. కార్యక్రమంలో రిసోర్స్‌ పర్సన్‌లు సుధీర్‌బాబు, బాబురావు, వేణుగోపాల్‌, నాగేశ్వరరావు పాల్గొన్నారు.
