కొత్తగూడెంఅర్బన్: ఓపెన్ స్కూల్ విధానంపై ప్రతి ఒక్కరికీ అవగాహన కల్పించాలని కలెక్టర్ ప్రియాంక ఆల అన్నారు.
‘ఓపెన్’ విధానంపై అవగాహన కల్పించాలి
తెలంగాణ సార్వత్రిక విద్యాపీఠం 2023 – 24 విద్యా సంవత్సర వాల్పోస్టర్ను ఆగష్టు 1న విద్యాశాఖాధికారులతో కలిసి ఆమె ఆవిష్కరించారు. ఈ సందర్భంగా మాట్లాడుతూ.. ఈ విద్యా సంవత్సరంలో ఓపెన్ స్కూల్ అడ్మిషన్ల నమోదుకు అధికారులంతా సహకరించాలని ఆదేశించారు.
రెగ్యులర్గా పాఠశాలకు వెళ్లి చదువుకోలేని విద్యార్థులతో పాటు, వయోజనులు, గృహిణులు ఓపెన్స్కూల్ ద్వారా చదువుకునేలా చూడాలని సూచించారు. ఇందులో అడ్మిషన్ పొందిన వారు ఉపాధి మార్గాలను వదులుకోకుండా ప్రామాణిక విద్యార్హతను పొందవచ్చని చెప్పారు. కార్యక్రమంలో డీఈఓ సోమశేఖర శర్మ, ఓపెన్ స్కూల్ కో ఆర్డినేటర్ మద్దినేని పాపారాపు, సీఎంఓఎస్ కె.సైదులు, ప్లానింగ్ కోఆర్డినేటర్ సతీష్ కుమార్ పాల్గొన్నారు.