కాంట్రాక్ట్, ఔట్‌ సోర్సింగ్‌.. ఉద్యోగులకు భరోసా.. వివిధ శాఖల్లో ఉద్యోగులకు పెరిగిన వేతనాలు ఇలా..

Sakshi Education

ప్రభుత్వ, కాంట్రాక్టు, అవుట్‌సోర్సింగ్‌ ఉద్యోగుల సంక్షేమం కోసం 2019 నుంచి ఆంధ్రప్రదేశ్ రాష్ట్రప్రభుత్వం వివిధ రకాల చర్యలు తీసుకున్నట్టు కార్యదర్శుల కమిటీ తన నివేదికలో తెలిపింది.

jobs — కాంట్రాక్ట్, ఔట్‌ సోర్సింగ్‌.. ఉద్యోగులకు భరోసా

27 శాతం ఐఆర్‌ అమలు, అంగన్ వాడీ, ఆశ, ఇతర ఉద్యోగుల వేతనాల పెంపు, కాంట్రాక్ట్, అవుట్‌సోర్సింగ్‌ ఉద్యోగుల సంక్షేమం కోసం తీసుకున్న చర్యల కారణంగా ప్రభుత్వంపై అదనపు భారం పడినట్టు పేర్కొంది.

ప్రభుత్వ, గ్రామీణ, పట్టణ ప్రాంత స్థానిక సంస్థల్లో పనిచేసే ఉద్యోగులు, పెన్షనర్‌లకు రాష్ట్రప్రభుత్వం 2019 జూలై 1 నుంచి 27 శాతం ఐఆర్‌ అమలు చేస్తోంది.
2019 జూలై 1 నుంచి ప్రభుత్వం ఇప్పటి వరకూ ఐఆర్‌ కింద ఉద్యోగులు, పెన్షనర్‌లకు రూ.15,839.99 కోట్లు ఖర్చు చేసింది. ఇందులో రూ.11,270.21 కోట్లు, ఉద్యోగుల కోసం, రూ.4,568.78 కోట్లు పెన్షనర్‌ల కోసం వెచ్చించింది.
అంగన్ వాడీలు, ఆశావర్కర్‌లు, హోమ్‌గార్డులు సహా 3,01,021 మంది ఉద్యోగులకు జీతాలు, రోజువారీ వేతనాలు పెంపొందించింది. వీరి వేతనాలు, జీతాల కోసం సంవత్సరానికి చేస్తున్న ఖర్చు రూ.1,198 కోట్ల నుంచి రూ.3,187 కోట్లకు పెరిగింది.

కాంట్రాక్టు ఉద్యోగులకు మినిమం టైమ్ స్కేల్

కాంట్రాక్టు ఉద్యోగుల సంక్షేమాన్ని దృష్టిలో ఉంచుకుని ప్రభుత్వం వీరికి మినిమం టైమ్‌ స్కేల్‌ను అమలులోకి తెచ్చింది. ఈ ఏడాది జూన్ 18న టైమ్‌ స్కేల్‌లో మార్పులు చేస్తూ ప్రభుత్వం ఉత్తర్వులు వెలువరించింది. మొదటి రెండు ప్రసవాలకు మహిళా ఉద్యోగులకు 180 రోజుల వేతనంతో కూడిన సెలవులను వర్తింపచేసింది.
కాంట్రాక్టు ఉద్యోగి యాక్సిడెంటల్‌గా మరణిస్తే రూ.5లక్షలు, సహజ మరణానికి రూ.2 లక్షల ఎక్స్‌గ్రేషియాను వర్తింప జేసింది.
అదనంగా కాంట్రాక్ట్‌ ఉద్యోగులకు కల్పించిన వసతులకు ప్రభుత్వం సంవత్సరానికి రూ.360 కోట్ల మేర ఖర్చు చేస్తోంది.

వైఎస్ జగన్ ప్రభుత్వం వచ్చాక వివిధ శాఖల్లో ఉద్యోగులకు పెరిగిన వేతనాలు ఇలా..

శాఖ	జాబ్‌	గత వేతనం	పెరిగిన వేతనం	ఉద్యోగులు
స్త్రీశిశు సంక్షేమం	అంగన్ వాడీ వర్కర్లు	10,500	11,500	47,476
	మినీ అంగన్ వాడీ	6,000	7,000	6,526
	అంగన్ వాడీ హెల్పర్లు	6,000	7,000	45,175
పీఆర్, ఆర్డీ	వీఓఏ, సంఘమిత్ర, ఏనిమేటర్లు	2,000	10,000	28,152
మున్సిపల్‌	శానిటరీ వర్కర్లు	8,000	18,000	29,800
మున్సిపల్‌	సూపర్‌వైజర్లు	12,000	18,000	––
వైద్యారోగ్యశాఖ	ఆశావర్కర్లు	4000 నుంచి 8500	10,000	41,416
ఎల్‌ఈటీ ఎఫ్‌	ఎంఎన్ ఓ	6,700	17,746	2
	ఎఎన్ ఎం	10,020	28,000	1
	ధోబీ	6,700	13,000 (2015 పీఆర్సీ)	2
	బార్బర్‌	6,700	13,000 (2015 పీఆర్సీ)	2
ట్రైబల్‌వెల్ఫేర్‌	కమ్యూనిటీ హెల్త్‌వర్కర్స్‌	400	4,000	2,652
హోమ్‌	హోమ్‌గార్డుల డైలీ	600	710	14,984
హోమ్‌	డ్యూటీ అలవెన్సు
పాఠశాల విద్య	కుక్‌ కమ్‌ హెల్పర్లు	1,000	3,000	84,833
మొత్తం	––	––	––	3,01,021