THDC Recruitment 2023: మినీరత్న కంపెనీలో.. జూనియర్‌ ఇంజనీర్‌ ట్రెయినీ పోస్టుల భర్తీకి నోటిఫికేషన్‌ విడుదల..

• మొత్తం పోస్టుల సంఖ్య: 181
• పోస్టుల వివరాలు: జూనియర్‌ ఇంజనీర్‌ ట్రెయినీ(సివిల్‌)-72, జూనియర్‌ ఇంజనీర్‌ ట్రెయినీ(ఎలక్ట్రికల్‌)-72, జూనియర్‌ ఇంజనీర్‌ ట్రెయినీ(మెకానికల్‌) విభాగాల్లో 37 పోస్టులు ఉన్నాయి.

అర్హతలు

• ఈ పోస్టులకు దరఖాస్తు చేయాలనుకునే అభ్యర్థులు సంబంధిత విభాగంలో మూడేళ్ల ఫుల్‌టైం రెగ్యులర్‌ డిప్లొమా/లేటరల్‌ ఎంట్రీ డిప్లొమా/బీఎస్సీ/బీఈ/బీటెక్‌ 65 శాతం మార్కులతో ఉత్తీర్ణులవ్వాలి. ఎస్సీ/ఎస్టీ, దివ్యాంగలు, ఎక్స్‌-సర్వీస్‌మెన్‌/ డిపార్ట్‌మెంటల్‌ అభ్యర్థులు డిప్లొమా ఉత్తీర్ణత సాధిస్తే సరిపోతుంది.
• వయసు: 07.06.2023 నాటికి 27 ఏళ్లు మించకుండా ఉండాలి. రిజర్వేషన్‌ వర్గాలకు  గరిష్ట వయోపరిమితిలో సడలింపు లభిస్తుంది.

ఎంపిక విధానం

• ఆన్‌లైన్‌(సీబీటీ-కంప్యూటర్‌ బేస్డ్‌ టెస్ట్‌) విధానంలో నిర్వహించే రాత పరీక్ష ద్వారా అభ్యర్థులను ఎంపిక చేస్తారు. ఈ పరీక్ష ఆబ్జెక్టివ్‌ పద్ధతిలో 200 ప్రశ్నలు- 200 మార్కులకు ఉంటుంది. పరీక్ష సమయం 3 గంటలు. ఇందులో మూడు విభాగాల నుంచి ప్రశ్నలు వస్తాయి. పార్ట్‌-1లో సివిల్‌/ఎలక్ట్రికల్‌/మెకానికల్‌ ఇంజనీరింగ్‌ విభాగాలకు సంబంధించిన 140 మల్టిపుల్‌ ఛాయిస్‌ ప్రశ్నలుంటాయి. పార్ట్‌-2లో జనరల్‌ అవేర్‌నెస్‌కు సంబంధించి-30 ప్రశ్నలు, పార్ట్‌-3లో రీజనింగ్‌ నుంచి 30  ప్రశ్నలను అడుగుతారు. ప్రతి సరైన సమాధానానికి ఒక మార్కు లభిస్తుంది. అలాగే ప్రతి తప్పు సమాధానానికి 0.25 మార్కును తగ్గిస్తారు. హిందీ, ఇంగ్లిష్‌ మాధ్యమాల్లో పరీక్ష రాసుకోవచ్చు. 
• రాత పరీక్షలో అర్హత సాధించిన అభ్యర్థులకు సర్టిఫికేట్‌ వెరిఫికేషన్, మెడికల్‌ పరీక్షలను నిర్వహించి తుది ఎంపిక చేస్తారు. 

శిక్షణ-వేతనాలు

ఈ ఉద్యోగాలకు ఎంపికైన వారికి ఏడాది పాటు శిక్షణ ఉంటుంది. శిక్షణ సమయంలోనే మూలవేతనం, డీఏ తదితర ప్రోత్సాహకాలూ లభిస్తాయి. లీవ్, వైద్య సదుపాయం, ప్రావిడెంట్‌ ఫండ్, పెన్షన్, గ్రాట్యుటీ మొదలైనవి ఉంటాయి. ఉద్యోగం రెగ్యులర్‌ అయిన తర్వాత కంపెనీ క్వార్టర్స్‌/హెచ్‌ఆర్‌ఏ వంటివి పొందొచ్చు. పే స్కేల్‌.. రూ.29,200 - రూ.1,19,000.

ముఖ్యసమాచారం

• దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.
• ఆన్‌లైన్‌ దరఖాస్తులకు చివరి తేదీ: 30.06.2023
• వెబ్‌సైట్‌: https://www.thdc.co.in/

చ‌ద‌వండి: BDL Recruitment 2023: బీడీఎల్, హైదరాబాద్‌లో మేనేజర్‌ పోస్టులు.. దరఖాస్తుల‌కు చివ‌రి తేదీ ఇదే..

లేటెస్ట్ జాబ్స్‌ నోటీఫికేష‌న్స్‌ :

స్టేట్ గవర్నమెంట్ జాబ్స్‌
రైల్వే జాబ్స్
మెడికల్ జాబ్స్
బ్యాంక్ జాబ్స్
ఇంజనీరింగ్ జాబ్స్
ఫ్యాకల్టీ-నాన్ ఫ్యాకల్టీ జాబ్స్
డిఫెన్స్‌ జాబ్స్