Free Training: ఈ కోర్సుల్లో 30 రోజులపాటు ఉచిత శిక్షణ..

Sakshi Education

పురుషులకు ప్రకటించిన కోర్సుల్లో ముప్పై రోజులపాటు ఉచితంగా శిక్షణ అందిస్తున్నామని తెలిపారు స్వయం ఉపాధి శిక్షణ సంస్థ డైరెక్టర్‌ సురేష్‌ బాబు. ఈ నేపథ్యంలో శిక్షణ పొందేందుకు అభ్యర్థులకు ఉండాల్సిన అర్హతల గురించి, దరఖాస్తుల గురించి వెల్లడించారు..

Free training program Training opportunity Qualifications for candidates Application process Free training in photography courses for men with employment offer Union Bank's Rural Self-Employment Training Institute in Chandragiri

చంద్రగిరి: యూనియన్‌ బ్యాంక్‌ గ్రామీణ స్వయం ఉపాధి శిక్షణ సంస్థ చంద్రగిరిలో ఏప్రిల్‌ 10వ తేదీ నుంచి 30 రోజుల పాటు పురుషులకు ఉచితంగా పొటోగ్రఫీ, వీడియోగ్రఫీపై శిక్షణ ఇవ్వనున్నట్లు సంస్థ డైరెక్టర్‌ పి. సురేష్‌ బాబు తెలిపారు. శుక్రవారం ఆయన మాట్లాడుతూ తెల్ల రేషన్‌ కార్డు కలిగిన తిరుపతి, చిత్తూరు జిల్లా గ్రామీణ ప్రాంతానికి చెందిన 19 నుంచి 45 ఏళ్ల వయసు కలిగిన పురుషులు శిక్షణకు అర్హులన్నారు. కనీసం విద్యార్హత 10వ తరగతి ఉత్తీర్ణులై ఉండాలని తెలిపారు.

Students Health: చదువుతోపాటు విద్యార్థుల ఆరోగ్యంపై శ్రద్ధ కూడా ముఖ్యం

శిక్షణ సమయంలో ట్రైనీస్‌కి ఉచిత భోజనం, రాను పోను ఒక్కసారి చార్జీ ఇవ్వనున్నట్లు వెల్లడించారు. శిక్షణ అనంతరం సర్టిఫికెట్‌ అందిస్తామన్నారు. ఆసక్తిగలవారు ఆధార్‌, రేషన్‌ కార్డు జెరాక్స్‌ కాపీలు, 4 పాసుపోర్టు సైజు ఫొటోలతో సంస్థకి వచ్చి వారి పేరు నమోదు చేయించుకోవాలని కోరారు. మరిన్ని వివరాలకు యూనియన్‌ బ్యాంక్‌ గ్రామీణ స్వయం ఉపాధి శిక్షణ సంస్థ, 11–48 ద్వారకానగర్‌ (రాయల్‌ విక్టరీ స్కూల్‌ దగ్గర) కొత్తపేట, చంద్రగిరి. 79896 80587, 94949 51289, 63017 17672 నంబర్లలో సంప్రదించాలని సూచించారు.

Carrom Championship: క్యారమ్‌ చాంపియన్‌షిప్‌లో తెలంగాణకు రెండు పతకాలు

Published date : 05 Apr 2024 03:00PM