మొదటి ఏడాది ఎంపీసీలో మెరుగైన మార్కులకు...

కెమికల్ బాండింగ్ - 5 గంటలు
అటామిక్ స్ట్రక్చర్ - 4 గంటలు
పీరియాడిక్ టే బుల్ - 4 గంటలు
కెమికల్ కైనటిక్స్ - 4 గంటలు
ఆర్గానిక్ కెమిస్ట్రీ - 8 గంటలు

కాన్సెప్ట్+ అప్లికేషన్ ఓరియెంటేషన్ అప్రోచ్

అటు పబ్లిక్ పరీక్షల దృష్ట్యా, ఇటు కాంపిటీటివ్ ఎగ్జామ్స్ కోణంలోనూ అతి ముఖ్యమైంది ఎంపీసీ గ్రూప్. ఇందులో ఉండే మ్యాథ్స్, ఫిజిక్స్, కెమిస్ట్రీ సబ్జెక్టులు.. కాంపిటీటివ్ ఎగ్జామ్స్ కోణంలో అతి ముఖ్యమైనవి. ఎంసెట్, జేఈఈ అడ్వాన్స్‌డ్ వంటివాటిలో ర్యాంకు తె చ్చుకోవాలంటే ఆ పరీక్షలు బాగా చదివి రాస్తే సరిపోదు. ఇంటర్ గ్రూప్ సబ్జెక్టులను అంతకంటే బాగా చదవాలి. ఎందుకంటే ఎంసెట్‌లో ఇంటర్ మార్కులకు 25 శాతం వెయిటేజ్, జేఈఈ అడ్వాన్స్‌డ్ కు ఎంపికవడానికి మెయిన్‌కు 40 శాతం వెయిటేజ్ ఉంటుంది. ఈ నేపథ్యంలో ఇంటర్ మొదటి ఏడాది నుంచే పబ్లిక్ పరీక్షలపై ఎక్కువ దృష్టి సారించాలి. ఇంటర్ ఎంపీసీ మొదటి ఏడాదిలో అత్యధిక మార్కులు తెచ్చుకోవాలంటే సాధారణ పద్ధతిలో చదువుకుంటూ వెళ్తే కుదరదు. మ్యాథ్స్, ఫిజిక్స్, కెమిస్ట్రీలలో ముఖ్యమైన కాన్సెప్ట్స్ (భావనలు)ను నేర్చుకుంటూ, అప్లికేషన్ ఓరియెంటేషన్ (అనువర్తిత పద్ధతి)లో అధ్యయనం చేస్తే అత్యధిక మార్కుల సాధనకు బాటలు వేసుకోవచ్చు. పబ్లిక్ పరీక్షలతోపాటు కాంపిటీటివ్ ఎగ్జామ్స్‌లో విజయానికి కూడా ఇదే వ్యూహం పాటించాలి. ముందుగా పబ్లిక్ పరీక్షలపై దృష్టి సారించాలి కాబట్టి మ్యాథ్స్‌పై ఎక్కువ శ్రద్ధ చూపాలి. ఎందుకంటే మూడు ప్రధాన సబ్జెక్ట్‌ల్లో మార్కుల రీత్యా మ్యాథ్స్‌కు ఎక్కువ ప్రాధాన్యం ఉంది. దీనికి పబ్లిక్ పరీక్షల్లో 150 మార్కులు కేటాయించారు. అదేవిధంగా ఫిజిక్స్, కెమిస్ట్రీలకు 60 చొప్పున మార్కులు ఉంటాయి. ఇంటర్మీడియెట్ బోర్డ్ కూడా ప్రతి సబ్జెక్టుకు నిర్దేశిత గంటల పీరియడ్స్‌ను నిర్దేశించింది. దీని ప్రకారం ఏడాదిలో మ్యాథ్స్-1ఏకు 150 గంటలు, మ్యాథ్స్-1బీకి 150 గంటలు, ఫిజిక్స్‌కు, కెమిస్ట్రీలకు 180 గంటల చొప్పున బోధనా తరగతులు నిర్వహించాలని స్పష్టం చేసింది.

ప్రశ్నాపత్రం ఇలా:

మ్యాథ్స్: మ్యాథ్స్1ఏలో మొత్తం 75 మార్కులకు దీర్ఘ సమాధాన ప్రశ్నలు 7 ఇస్తారు. ఇందులో ఏవైనా 5 ప్రశ్నలు రాయాలి. అదేవిధంగా స్వల్ప సమాధాన ప్రశ్నలు కూడా 7 ఇస్తారు. ఏవైనా 5 ప్రశ్నలకు సమాధానాలు ఇవ్వాలి. అతిస్వల్ప సమాధాన ప్రశ్నలు 10 ఇస్తారు. మొత్తం ప్రశ్నలకు సమాధానాలు రాయాలి.
మ్యాథ్స్-1బీ:
మొత్తం 75 మార్కులకు ఉంటే మ్యాథ్స్-1బీ కూడా 1ఏ మాదిరిగానే ఉంటుంది. ఎలాంటి మార్పులుండవు.

ఫిజిక్స్, కెమిస్ట్రీ: 60 మార్కుల చొప్పున ఉండే రెండు పేపర్లలో 3 ప్రశ్నల చొప్పున దీర్ఘ సమాధాన ప్రశ్నలు ఉంటాయి. వీటిల్లో ఏవైనా రెండు ప్రశ్నలకు సమాధానాలు రాయాలి. అదేవిధంగా ప్రతి పేపర్‌లోనూ 8 స్వల్ప సమాధాన ప్రశ్నలు ఉంటాయి. వీటిల్లో ఏవైనా 6 ప్రశ్నలకు సమాధానాలకు ఇవ్వాలి. అదేవిధంగా రెండు పేపర్లలోనూ 10 చొప్పున అతి స్వల్ప సమాధాన ప్రశ్నలు ఉంటాయి. మొత్తం ప్రశ్నలకు సమాధానాలు రాయాలి.

టిప్స్