BrahMos: యుద్ధ విమానం నుంచి బ్రహ్మోస్ ప్రయోగం
Sakshi Education
భారత రక్షణ రంగం మరింత బలోపేతమయ్యే దిశగా కీలక ముందడుగు పడింది. సుఖోయ్–30 యుద్ధ విమానం నుంచి బ్రహ్మోస్ ఎక్స్టెండెడ్ రేంజ్ క్షిపణిని గురువారం బంగాళాఖాతంలో పరీక్షించారు.
![](/sites/default/files/images/2022/12/30/brahmos-1672394625.jpg)
బ్రహ్మోస్ ప్రయోగం విజయవంతమై 400 కి.మీ. దూరంలో ఉన్న నౌకను పేల్చేసింది. ‘‘భారత వాయుసేన సుఖోయ్ యుద్ధ విమానం నుంచి ప్రయోగించిన బ్రహ్మోస్ క్షిపణి నిర్దేశిత లక్ష్యాలను కచ్చితంగా ఛేదించింది. ఈ ప్రయోగం విజయవంతం కావడంతో ఉపరితలం, సముద్ర మార్గంలో సుదూర లక్ష్యాలను ఛేదించే సామర్థ్యం వైమానిక దళానికి లభించినట్టయింది’’ అని రక్షణ శాఖ వెల్లడించింది. యుద్ధ విమానం నుంచి సుఖోయ్ని ప్రయోగించడం ఇది తొలిసారి కాదు. ఈ ఏడాది మేలో సూపర్సోనిక్ మిస్సైల్ ఎక్స్టెండెండ్ వెర్షన్ను సుఖోయ్ యుద్ధ విమానం నుంచి విజయవంతంగా పరీక్షించారు. ఇప్పుడు క్షిపణి పరిధిని 290 కిలోమీటర్ల స్థాయి నుంచి 400 కిలోమీటర్లకు పెంచారు.
Agni-5 Missile: అగ్ని5 క్షిపణి పరీక్ష సక్సెస్
Published date : 30 Dec 2022 03:33PM