Passport: అత్యంత శక్తిమంతమైన పాస్‌పోర్ట్‌ల జాబితాలో భారత్ ఎన్నో స్థానంలో ఉందో తెలుసా?

అంతర్జాతీయ ఎయిర్ ట్రాన్స్‌పోర్ట్ అసోసియేషన్ (IATA) నుంచి వచ్చిన డేటా ఆధారంగా ర్యాంకింగ్స్ ఇచ్చారు.

ఈ తాజా ర్యాంకింగ్‌లో భారతదేశానికి చెందిన పాస్‌పోర్ట్ 82వ స్థానంలో ఉంది. అంటే గతంతో పోలిస్తే భారత్ మూడు స్థానాలు పైకి ఎగబాకింది. ఈ ఏడాది ఫిబ్రవరిలో విడుదల చేసిన ర్యాంకింగ్స్‌లో మన దేశం 85వ స్థానంలో ఉంది. భారత పాస్‌పోర్ట్‌తో వీసా లేకుండానే ఇండోనేషియా, మలేషియా, థాయ్‌లాండ్‌ వంటి ప్రపంచంలోని 58 దేశాలకు ప్రయాణించవచ్చు. గతంలో ఈ అనుమతి  59 దేశాలకు ఉండేది. 

ఈ జాబితాలో సెనెగెల్‌, తజకిస్థాన్‌ దేశాలు 82వ స్థానంలోఉన్నాయి.  పాకిస్థాన్‌ 100వ స్థానంలో ఉంది. ఆ దేశ పాస్‌పోర్ట్‌తో 33 దేశాలకు వీసా లేకుండా వెళ్లొచ్చు. ఇక ఈ జాబితాలో అట్టడుగున 103వ స్థానంలో అఫ్గానిస్థాన్‌ ఉంది. ఆ దేశ పాస్‌పోర్ట్‌ కలిగినవారు 26 దేశాలకు వీసా రహిత ప్రయాణాలు చేయొచ్చు.

India's Population: 170 కోట్లు చేరుకోనున్న భారతదేశ జనాభా.. ఎప్పటిలోపు అంటే..?!

★ శక్తిమంతమైన పాస్‌పోర్ట్‌ల జాబితాలో 195 దేశాలకు యాక్సెస్‌తో సింగపూర్ మొదటి స్థానంలో ఉండగా, ఆప్గనిస్థాన్ చివరి స్థానంలో ఉంది. 

★ ఫ్రాన్స్, జర్మనీ, ఇటలీ, జపాన్, స్పెయిన్ (192) రెండో స్థానంలో ఉన్నాయి.
★ ఆస్ట్రియా, ఫిన్‌లాండ్, ఐర్లాండ్, లక్సెంబర్గ్, నెదర్లాండ్స్, దక్షిణ కొరియా, స్వీడన్ (191) మూడో స్థానంలో ఉన్నాయి.

★బెల్జియం, డెన్మార్క్, న్యూజిలాండ్, నార్వే, స్విట్జర్లాండ్, యునైటెడ్ కింగ్డమ్ (190) నాలుగో స్థానంలో ఉన్నాయి.
★ ఆస్ట్రేలియా, పోర్చుగల్ (189) ఐదో స్థానంలో ఉన్నాయి.
★ గ్రీస్, పోలాండ్ (188) ఆరో స్థానంలో ఉన్నాయి.

★ కెనడా, చెకియా, హంగరీ, మాల్టా (187) ఏడో స్థానంలో ఉన్నాయి.
★ యునైటెడ్ స్టేట్స్ (186) ఎనిమిదో స్థానంలో ఉన్నాయి.
★ ఎస్టోనియా, లిథువేనియా, యునైటెడ్ అరబ్ ఎమిరేట్స్ (185) తొమ్మిదో స్థానంలో ఉన్నాయి.
★ ఐస్లాండ్, లాట్వియా, స్లోవేకియా, స్లోవేనియా (184) ప‌దో స్థానంలో ఉన్నాయి.

World Population: 1000 కోట్లు దాటనున్న ప్రపంచ జనాభా.. ఎప్ప‌టిలోపు అంటే..