అంతర్జాతీయ పరిస్థితులు, ఆర్థిక మాంద్యం భయాలు, ఆశించిన ఫలితాలు అందుకోవడంలో విఫలం అంటూ కారణాలు చెప్పి చేతులు దులిపేసుకుంటున్నాయి. కానీ టీసీఎస్‌ అందుకు విరుద్ధంగా నిర్ణయం తీసుకుని అందరినీ ఆశ్చర్యపరుస్తోంది. రానున్న రోజుల్లో సుమారు 1.50 లక్షల మంది ఉద్యోగులను నియమించుకోనున్నట్లు అధికారికంగా ప్రకటించింది.
టీసీఎస్‌ తాజాగా క్యూ3 ఫలితాల్ని విడుదల చేసింది. ఈ సందర్భంగా జనవరి 9న 2023–24 ఆర్థిక సంవత్సరానికి సుమారు 1.25 లక్షల నుంచి 1.50 లక్షల మందికి ఉద్యోగ అవకాశాలు కల్పించేందుకు సిద్ధంగా ఉన్నట్లు తెలిపింది.
అంతేకాదు గతేడాది డిసెంబర్‌ ముగిసే సమయానికి సంస్థలో 613,974 మంది ఉద్యోగులు పనిచేస్తుండగా.. క్యూ3లో 2,197 మంది ఉద్యోగులు సంస్థకు రిజైన్‌ చేశారు. అదే సమయంలో గడిచిన 18 నెలల కాలంలో భారీ ఎత్తున సిబ్బందిని హైర్‌ చేసుకున్నట్లు పేర్కొంది. మరోవైపు రానున్న రోజుల్లో టీసీఎస్‌ నియామకాలు జోరుగా చేపట్టనున్నట్లు ఆ సంస్థ సీఈవో గోపీనాథన్‌ తెలిపారు.
1,50,000 మంది నియామకం
టీసీఎస్‌ త్రైమాసిక ఫలితాల విడుదల అనంతరం కంపెనీ సీఈవో, మేనేజింగ్‌ డైరెక్టర్‌ రాజేష్‌ గోపినాథన్‌ విలేకరులతో మాట్లాడుతూ.. గతంలో ఉద్యోగుల్ని ఎలా నియమించుకున్నామో.. రానున్న రోజుల్లో ఆ తరహా ధోరణి కొనసాగుతుంది. వచ్చే ఏడాది 1,25,000 మంది నుంచి 1,50,000 మందిని నియమించుకోనున్నాం’ అని తెలిపారు.
More Articles
