ఎంబీబీఎస్, బీడీఎస్, ఆయుష్‌ కోర్సుల్లో 2021–22 సంవత్సరానికి గాను ప్రవేశాల కోసం అందిన దరఖాస్తుల పరిశీలన అనంతరం విద్యార్థుల ప్రాథమిక మెరిట్ లిస్ట్‌ను ఎన్టీఆర్‌ వైద్య విశ్వవిద్యాలయం ఫిబ్రవరి 25న విడుదల చేసింది.
ప్రాథమిక మెరిట్ జాబితా విడుదల
ఈ జాబితాను యూనివర్సిటీ వెబ్‌సైట్‌లో పొందుపరిచారు. ఇందులో ఏవైనా అభ్యంతరాలుంటే ntrugmedadm21@gmail.comకు ఫిబ్రవరి 28వ తేదీ మధ్యాహ్నం 2 గంటలలోపు అభ్యర్థులు మెయిల్‌ చేయాలన్నారు. అదే విధంగా చి్రల్డన్ ఆఫ్‌ ఆర్మ్‌డ్‌ పర్సనల్‌ (సీఏపీ), ఎన్ సీసీ విభాగాల కింద ప్రవేశాల కోసం దరఖాస్తు చేసుకున్న విద్యార్థుల ప్రాథమిక ప్రాధాన్యత జాబితాను ప్రకటించారు. అభ్యర్థనలను మార్చి 2వ తేదీ మధ్యాహ్నం 3 గంటలలోపు తెలియజేయాల్సి ఉంటుంది. సీఏపీ విభాగానికి సంబంధించి అభ్యర్థనలను apcapadmissions@gmail.comకు, ఎన్ సీసీ విభాగానికి సంబంధించిన అభ్యర్థనలను ntrugnccadm21@gmai.comకు మెయిల్‌ చేయాలని పేర్కొన్నారు.
