RGUKT: ట్రిపుల్ ఐటీలకు భారీగా దరఖాస్తులు.. చివరి తేదీ ఇదే..
![RGUKT](/sites/default/files/images/2023/06/17/newsfiles-images-rgukt1-1687003109.jpg)
ట్రిపుల్ ఐటీలలో ఉన్న ఆరు సంవత్సరాల సమీకృత ఇంజినీరింగ్ కోర్సులో చేరేందుకు గాను జూన్ 3వ తేదీన ఆర్జీయూకేటీ నోటిఫికేషన్ను జారీ చేసింది. ఆ తర్వాత జూన్ 4 నుంచి దరఖాస్తులను స్వీకరిస్తోంది. పదో తరగతి ఈ ఏడాది మార్చిలో రెగ్యులర్గా ఉత్తీర్ణులైనవారు ఆన్లైన్లో యూనివర్సిటీ వెబ్సైట్లో దరఖాస్తు చేసుకోవచ్చని అధికారులు ప్రకటించారు. ఈ నేపథ్యంలో ట్రిపుల్ ఐటీలకు దరఖాస్తులు పెద్ద ఎత్తున వస్తున్నాయి.
చదవండి: మరింత ఉన్నతంగా ట్రిపుల్ ఐటీలు: ఆదిమూలపు సురేష్
జూన్ 16 సాయంత్రం ఆరు గంటల వరకు వచ్చిన దరఖాస్తులను పరిశీలిస్తే మొత్తం 27,500 మంది దరఖాస్తు చేసుకున్నట్టు తేలింది. జూన్ 26వ తేదీ వరకు దరఖాస్తు చేసుకునే అవకాశం ఉన్న నేపథ్యంలో ఈ సంఖ్య 40 వేల వరకు చేరుకోవచ్చని ఆర్జీయూకేటీ వర్గాలు భావిస్తున్నాయి. ఇక సీట్ల విషయానికొస్తే.. నాలుగు ట్రిపుల్ ఐటీల్లో కలిపి మొత్తం 4400 సీట్లు ఉండటం గమనార్హం.