విద్యారంగానికి రూ. 11,216 కోట్లు

Sakshi Education

గతేడాది విద్యారంగానికి రూ. 10,956.36 కోట్లు (మొత్తం బడ్జెట్‌లో 10.88%) కేటాయించగా, ఈసారి రూ. 11,216.10 కోట్లు (9.7%) దక్కాయి.
పాఠశాల విద్యలో ప్రణాళిక వ్యయం కింద గత ఏడాది రూ. 3,510.56 కోట్లు కేటాయించగా, ప్రస్తుతం రూ. 1,078.06 కోట్లకు తగ్గించింది.
గురుకులాలకు రూ. 75 కోట్లను కేటాయించింది. మోడల్ స్కూళ్ల పథకాన్ని కేంద్రం రద్దు చేయడంతో ఇప్పటికే ప్రారంభించిన స్కూళ్ల కోసం రూ. 216 కోట్లు కేటాయించింది.
కేంద్ర సహకారంతో కొనసాగే పథకాలకు రాష్ర్టం తరఫున గత ఏడాది రూ. 2,795.48 కోట్లు కేటాయించగా.. ఈసారి రూ. 713.35 కోట్లను మాత్రమే ఇచ్చింది.
బాసరలోని ట్రిపుల్ ఐటీ నిర్వహణ కోసం గతేడాది రూ. 119 కోట్లు కేటాయించగా.. ఈసారి దాన్ని రూ. 93 కోట్లకు తగ్గించింది.
బడ్జెట్‌లో యూనివర్సిటీలకు రూ. 416.15 కోట్లు కేటాయించారు. గత బడ్జెట్ రూ. 291.76 కోట్లతో పోల్చితే ఇది రూ. 124.39 కోట్లు అదనం.
ఉస్మానియా వర్సిటీకి గత బడ్జెట్‌లో రూ. 170.14 కోట్లు కేటాయించగా ఈసారి రూ. 238.19 కోట్లు కేటాయించారు.
కాకతీయ వర్సిటీకి రూ. 19.15 కోట్లను, శాతవాహన వర్సిటీకి రూ. 13.43 కోట్లను అదనంగా కేటాయించారు.
సాంకేతిక విద్యకు గత బడ్జెట్‌లో ప్రణాళికేతర వ్యయం కింద రూ. 181.11 కోట్లు కేటాయించగా.. ఈసారి రూ. 253.80 కోట్లకు పెంచారు. ప్రణాళికా వ్యయం కింద గతేడాది రూ. 212.85 కోట్లు ఇవ్వగా... ఈసారి రూ. 255.41 కోట్లు కేటాయించారు.
జేఎన్టీయూకు గత ఏడాది రూ. 39.60 కోట్లు ఇవ్వగా.. ఈసారి రూ. 55.44 కోట్లకు పెంచారు. అంటే అదనంగా రూ. 15.84 కోట్లు కేటాయించారు.

ఫీజు రీయింబర్స్‌మెంట్‌కు రూ.2,677 కోట్లు..

ఎస్సీ, ఎస్టీ, బీసీ, మైనారిటీ విద్యార్థుల ఉపకార వేతనాలు, ఫీజు రీయింబర్స్‌మెంట్ కోసం 2015-16 బడ్జెట్‌లో ప్రభుత్వం రూ.2,677.72 కోట్లు కేటాయించింది.
బీసీ సంక్షేమశాఖకు రూ.1,367 కోట్లు, ఎస్సీ డెవలప్‌మెంట్ శాఖకు రూ.646.52 కోట్లు, మైనారిటీ సంక్షేమశాఖకు రూ.425 కోట్లు, ఎస్టీ సంక్షేమ శాఖకు రూ.239.20 కోట్లు కేటాయించారు.
రాష్ట్రంలో గతేడాది 61,78,495 మంది విద్యార్థులు బడుల్లో చేరగా ప్రస్తుత విద్యా సంవత్సరంలో ఆ సంఖ్య 60,76,741కు పరిమితమైంది.
డ్రాపౌట్స్ బాలికల్లో (36.41%)కంటే బాలురలోనే (38.85%) ఎక్కువగా ఉంది.

Budget 2015 - 16