Backlog Jobs: బ్యాక్లాగ్ అభ్యర్థుల మెరిట్ జాబితా
Sakshi Education
బ్యాక్లాగ్ ఉద్యోగాల నియామకానికి ఎవరూ ద‌ర‌ఖాస్తులు చేసుకోలేదని సంక్షేమశాఖ సహాయ సంచాలకులు తెలిపారు. ఈ మెర‌కు, అభ్యంతరాలు కలిగిన వారు కార్యాలయంలో ప్ర‌క‌టించిన తేదీలోగా అంద‌జేయాల‌న్నారు.
Backlog jobs merit list
సాక్షి ఎడ్యుకేష‌న్: దివ్యాంగుల విభాగంలో 23 బ్యాక్లాగ్ ఉద్యోగాల భర్తీకి సంబంధించి అభ్యర్థుల ప్రొవిజనల్‌ మెరిట్ జాబితాను https:// visakhapatnam.ap.gov.in/ లో పొందుపరిచారు. 24 బ్యాక్లాగ్ ఉద్యోగాల నియామకానికి 2022–23లో నోటిఫికేషన్‌ విడుదల చేయగా.. వర్క్‌షాప్‌ అటెండెంట్‌ ఉద్యోగానికి అంధ–మహిళ విభాగంలో అర్హత కలిగిన అభ్యర్థులు ఎవరూ దరఖాస్తు చేసుకోలేదని విభిన్న ప్రతిభావంతులు, హిజ్రాలు, వయోవృద్ధుల సంక్షేమశాఖ సహాయ సంచాలకులు జె.మాధవి తెలిపారు.
ఉద్యోగ తరగతి, వైకల్యం ప్రకారం మెరిట్ జాబితా సిద్ధం చేశామన్నారు. సహేతుకమైన అభ్యంతరాలు ఉన్నట్లయితే ఈ నెల 18 లోగా విభిన్న ప్రతిభావంతుల సంక్షేమశాఖ కార్యాలయంలో అందించాలని సూచించారు.
