Backlog Job Vacancies: దివ్యాంగుల పోస్టులకు 29లోగా దరఖాస్తు చేసుకోండి

మహారాణిపేట : ఉమ్మడి విశాఖ జిల్లాలో వివిధ ప్రభుత్వ శాఖల్లో విభిన్న ప్రతిభావంతులకు (దివ్యాంగులకు) కేటాయించిన 13 బ్యాక్‌లాగ్‌ ఉద్యోగాలు భర్తీ చేయడానికి కలెక్టర్‌ ఎ.మల్లికార్జున నోటిఫికేషన్‌ జారీ చేశారు. అనకాపల్లి, అల్లూరి సీతారామరాజు జిల్లా, విశాఖ జిల్లాలో అర్హులైన అభ్యర్థులు ఈ నెల 29లోగా దరఖాస్తు చేసుకోవాలని, పూర్తి చేసిన దరఖాస్తులను పోస్టు ద్వారాగానీ, స్వయంగా గానీ అందజేయాలని తెలియజేశారు.

అభ్యర్థులు దరఖాస్తు చేసే సమయానికి 18 ఏళ్లు పైబడి, ఈ ఏడాది జూలై ఒకటి నాటికి 52 ఏళ్లు దాటకూడదన్నారు. పూర్తి చేసిన దరఖాస్తులను రాణి చంద్రమణి దేవి ఆస్పత్రిలో అందజేయాలని, పూర్తి వివరాలు https://visakhapatnam. ap.gov.in/లో చూసుకోవాలని సూచించారు.