అనంతపురం ఎడ్యుకేషన్‌: ఉమ్మడి జిల్లాలోని సాంఘిక సంక్షేమ (అంబేడ్కర్‌) గురుకులాల్లో ఖాళీగా ఉన్న టీచరు పోస్టులను తాత్కాలిక ప్రాతిపదికన భర్తీ చేయనున్నారు. ఆసక్తిగల అభ్యర్థులు ఈనెల 21న ఉదయం 10 గంటలకు అనంతపురం రూరల్‌ మండలం కురుగుంట గురుకుల పాఠశాలలో జరిగే డెమోకు హాజరుకావాలని గురుకులాల సమన్వయ అధికారి ఉదయశ్రీ తెలిపారు. ఈ మేరకు మంగళవారం ఓ ప్రకటన విడుదల చేశారు. ఒరిజినల్‌ సర్టిఫికెట్లు తీసుకురావాలని సూచించారు. బాలికల పాఠశాలలకు మహిళలను మాత్రమే ఎంపిక చేస్తామని స్పష్టం చేశారు.
Gurukula schools Teacher Jobs
ఖాళీల వివరాలు ఇలా...
తిమ్మాపురం బాలికల పాఠశాలలో టీజీటీ బీఎస్‌, పీజీటీ సోషల్‌, ఉరవకొండ బాలికల పాఠశాలలో జేఎల్‌ ఇంగ్లిష్‌, కురుగుంట బాలికల పాఠశాలలో జేఎల్‌ ఇంగ్లిష్‌, పీడీ, అమరాపురం బాలికల పాఠశాలలో టీజీటీ పీఎస్‌, టీజీటీ హిందీ, పీజీటీ ఇంగ్లిష్‌, గుత్తి బాలికల పాఠశాలలో జేఎల్‌ కెమిస్ట్రీ, జేఎల్‌ ఇంగ్లిష్‌, హిందూపురం బాలుర పాఠశాలలో టీజీటీ పీఎస్‌, హిందూపురం బాలికల పాఠశాలలో టీజీటీ పీఎస్‌.
