ఈ టీఆర్‌టీ పరీక్షల నిర్వహణ తేదీలపై విద్యాశాఖ అధికారులు ఒక ప్రాథమిక నిర్ణయం తీసుకున్నారు. అలాగే డీఎస్సీ పరీక్షల నిర్వహణ తేదీలపై విద్యాశాఖ అధికారులు ఒక అంచనాకి వచ్చారని సమాచారం.
చివరి వారంలో..
తెలంగాణ అసెంబ్లీ ఎన్నిక‌ల నేప‌థ్యంలో డీఎస్సీ పరీక్షల తేదీల‌ను మార్పు చేసిన విష‌యం తెల్సిందే. వాయిదాప‌డ్డ ఈ డీఎస్సీ పరీక్షలు.. జనవరి 2024 చివరి వారం లేదా ఫిబ్రవరి 2024 మొదటి వారంలో పరీక్షలు నిర్వహించాలని విద్యాశాఖ అధికారులు నిర్ణయం తీసుకున్నట్లు సమాచారం. ఈ టీఆర్‌టీ పరీక్షలు నిర్వహణకు సంబంధించిన పూర్తి షెడ్యూల్‌ను త్వరలో విడుదల చేయనున్నారు.
ద‌ర‌ఖాస్తులు పెరిగే అవ‌కాశం..
ఇప్పటివరకు దాదాపు 1,56,449 మంది దరఖాస్తు ఫీజు చెల్లించగా 1,50,202 మంది దరఖాస్తు చేసుకున్నట్లు విద్యాశాఖ తెలిపింది. డీఎస్సీ దరఖాస్తు గడువు అక్టోబర్ 28వ తేదీ వరకు పెంచ‌డంతో ఈ దరఖాస్తుల సంఖ్య ఇంకా పెరిగే అవ‌కాశం ఉంది.
More Articles
