Sakshi Education
ఆరుసార్లు ప్రపంచ చాంపియన్, భారత దిగ్గజ బాక్సర్‌ మేరీకోమ్ ప్యారిస్‌ ఒలింపిక్స్‌ నేపథ్యంలో ఇండియా చెఫ్‌ డీ మిషన్‌ బాధ్యతల నుంచి వైదొలిగారు.
ఈ మేరకు భారత ఒలింపిక్‌ సంఘం (ఐఓఏ) అధ్యక్షురాలు పీటీ ఉషకు ఆమె లేఖ రాసింది. ‘దేశానికి సేవ చేయడాన్ని నేనెప్పుడు గౌరవంగా భావిస్తాను. మానసికంగానూ సిద్ధంగా ఉంటా. కానీ.. వ్యక్తిగత కారణాల వల్ల ప్రతిష్టాత్మక ఈవెంట్‌లో గురుతర బాధ్యతలు నిర్వర్తించలేకపోతున్నాను. అందుకే ఆ పదవికి రాజీనామా చేస్తున్నా’ అని 41 ఏళ్ల ఈ మణిపూర్‌ మహిళా బాక్సర్‌ లేఖలో వివరించింది.
దీనిపై స్పందించిన పీటీ ఉష.. మేరీకోమ్ పదవి నుంచి తప్పుకోవడం బాధాకరమే అయినా.. ఆమె నిర్ణయాన్ని, వ్యక్తిగత గోప్యతను గౌరవిస్తామని తెలిపారు. మేరీ స్థానంలో మరొకరిని నియమిస్తామని ఉష చెప్పారు. పారిస్‌ ఒలింపిక్స్‌ ఈ ఏడాది జూలై 26 నుంచి ఆగస్టు 11 వరకు జరుగుతాయి.
Mirabai Chanu: వరుసగా మూడోసారి ఒలింపిక్స్‌లో పోటీపడనున్న భారత స్టార్‌ వెయిట్‌ లిఫ్టర్‌
Published date : 13 Apr 2024 05:44PM
More Articles
Most Read
