Digital Classes in Govt Schools : స‌ర్కార్ బడుల్లో డిజిట‌ల్ త‌ర‌గ‌తులు.. రోజూ గంట‌న్న‌ర‌..

సాక్షి ఎడ్యుకేష‌న్‌: రాష్ట్రంలోని పాలమూరు ప్ర‌భుత్వ పాఠశాల‌ల్లోని టెన్త్ క్లాస్‌ విద్యార్థుల చ‌దువు మ‌రింత మెరుగు ప‌డాల‌ని, మెరుగైన విద్యను అందించేందుకు ఎమ్మెల్యేలు చేసిన ప్ర‌య‌త్నాలే ఈ డిజిట‌ల్ ఎడ్యుకేష‌న్‌. త‌ర‌గ‌తి గ‌దుల్లో ప్రొజెక్టర్లు, ఇంటరాక్టివ్​ ఫ్లాట్​ ప్యానల్​ (ఐఎఫ్​పీ, డిజిటల్ బోర్డు) ఏర్పాటు చేసి, కొద్ది రోజుల నుంచి డిజిటల్​ కంటెంట్​ క్లాసులను ప్రారంభించారు. 

రోజూ గంట‌న్న‌ర‌..

ఐఎఫ్​పీ ప్యానల్స్​ అందుబాటులో ఉన్న స్కూల్స్​లో పెన్​ డ్రైవ్​ ద్వారా డిజిటల్​ కంటెంట్​ సాఫ్ట్​ వేర్​ను డౌన్​ లోడ్​ చేశారు. ఇక‌, ప్రతి రోజూ ఉదయం 9:30 నుంచి 11 గంటల వరకు విద్యార్థుల‌కు లాంగ్వేజ్​ సబ్జెక్టులను మినహాయించి మ్యాథ్స్​, ఫిజిక్స్​, బయాలజి, సోషల్​ సజెక్టులను చాప్టర్​లా వారీగా డిజిటల్​ కంటెంట్​ను బోధిస్తున్నారు అక్క‌డి ఉపాధ్యాయులు. కంటెంట్​లోని పెద్ద పెద్ద డయాగ్రామ్స్​, చార్టులు డిస్​ప్లే అవుతుండటంతో విద్యార్థుల‌కు మ‌రింత సులువుగా మారింది బోధ‌న‌.

NIRD Jobs 2025 : నెల‌కు 2,50,000 జీతం.. నిరుద్యోగుల‌కు ఎన్ఐఆర్‌డీ గుడ్ న్యూస్‌.. అర్హ‌త‌లివే..

ఇక, ఉపాధ్యాయులంతా, ఈ శిక్ష‌ణ‌ను విద్యార్థుల‌కు అందించేందుకు, ముందుగా వారు శిక్ష‌ణ పొందారు. హైద‌రాబాద్ నుంచి వ‌చ్చిన స్పెష‌లిస్టుల‌తో ఎమ్మెల్యే యోన్నం ప్ర‌భుత్వ ఉపాధ్యాయుల‌కు ఈ ట్రైనింగ్‌ను నెల‌న్న‌ర‌పాటు నిర్వ‌హించారు. ఇక ఆ టీచ‌ర్లు మ‌రికొంద‌రి టీచ‌ర్ల‌కు ట్రైనింగ్ ఇవ్వ‌డంతో అంద‌రు క‌లిసి విద్యార్థుల‌కు శిక్ష‌ణ‌ను అందిస్తున్నారు.

పంపిణీ కంటిన్యూ..

మహబూబ్​నగర్​ ఎమ్మెల్యే త‌న‌కుతానే గతేడాది నుంచి గవర్నమెంట్​ స్కూల్స్​లో ప‌దో త‌ర‌గ‌తి ప‌రీక్ష‌ల‌కు చ‌దువుతున్న విద్యార్థుల‌కు ఫ్రీగా డిజిటల్​ కంటెంట్​ స్టడీ మెటీరియల్​ను అందజేశారు. అయితే, వారి తుది ఫ‌లితాల్లో ఉన్న‌త మార్కులు సాధించ‌గా, ఈ ఏడాది కూడా ఆ డిజిట‌ల్ కంటెంట్ స్ట‌డీ మెటీరియ‌ల్‌ను పంపిణీ చేశారు. మహబూబ్​నగర్​ నియోజకవర్గంలోని అన్ని స‌ర్కార్ బ‌డుల్లో పంపిణీ పూర్తి కాగా.. మిగిలిన పుస్తకాలను ప్రైవేట్​ స్కూల్స్​లో చదువుకుంటున్న ప‌దో త‌ర‌గ‌తి విద్యార్థుల‌కు అందిస్తున్నారు.

Changes in BSc Syllabus : బీఎస్సీ సిల‌బ‌స్‌లో మార్పులు.. ఉన్నత విద్యా మండలి కీల‌క ప్ర‌క‌ట‌న‌..

అయితే, యెన్నంను మాదిరిగానే దేవరకద్ర ఎమ్మెల్యే జి.మధుసూదన్​ రెడ్డి, మక్తల్​ ఎమ్మెల్యే వాకిటి శ్రీహరి కూడా గవర్నమెంట్​ స్కూల్స్​లో చదువుతున్న స్టూడెంట్లకు గత నెల రోజుల నుంచి ఫ్రీగా డిజిటల్​ కంటెంట్​ పుస్తకాలను అందజేస్తున్నారు. వారు కూడా తమ సొంత డబ్బును ఖర్చు చేసి పుస్తకాలను ప్రింటింగ్​ చేయిస్తున్నారు.

నాలుగు రకాల పుస్తకాలు

డిజిట‌ల్ ఎడ్యుకేష‌న్ లేని బడుల్లో మ్యాథ్స్​, బయాలజీ, ఫిజిక్స్​, సోషల్ సబ్జెక్టులకు సంబంధించిన డిజిటల్​ కంటెంట్​ పుస్తకాలను ప‌దో త‌ర‌గ‌తి విద్యార్థుల‌కు అందజేస్తున్నారు. ఇంగ్లిష్​ మీడియం చదువుతున్న వారికి ఇంగ్లిష్​లో, తెలుగు మీడియం చదువుతున్న వారికి తెలుగులో ఈ పుస్తకాలను ఇచ్చారు. ఇందులో ఉండే క్యూ ఆర్​ కోడ్​ను ఫోన్​తో స్కాన్​ చేస్తే ఆ సబ్జెక్టుకు సంబంధించిన పూర్తి సమాచారం ఫోన్​లో ఓపెన్​ అవుతుంది. వాటి పరిచయాలు, వివరణలు మ‌రింత స‌మాచారం కూడా అందులో ఉంటాయి. దీంతో విద్యార్థుల‌కు చ‌దువుకోవ‌డం మ‌రింత ఆస‌క్తిగా మారింది.

CBSE 10th and Inter Board Exams Rules : సీబీఎస్ఈ టెన్త్‌, ఇంట‌ర్ బోర్డు ప‌రీక్ష‌లు ప్రారంభం.. పాటించాల్సిన నియ‌మ నిబంధ‌న‌లు ఇవే..

ఎమ్యెల్యే సార్‌.. థ్యాంక్స్‌..

అనేక మంది విద్యార్థులకు ఇప్పుడు ప్రైవేట్ స్కూళ్ల‌లో డిజిట‌ల్ ఎడ్యుకేష‌న్ అందుతుంది. స‌ర్కార్ బ‌డుల్లో చాలావ‌ర‌కు ఇంకా వెనుక‌బ‌డి ఉన్నాయి. అయితే, ఈ కార్య‌క్ర‌మంతో, స‌ర్కార్ బ‌డుల్లోని విద్యార్థులు కూడా త‌మ స్కూల్​లో కూడా డిజిటల్​ క్లాసులు జరుగుతున్నాయని, వాళ్లు కూడా ఆ క్లాసెస్​ను విన‌డ‌మే కాకుండా పాఠాల‌ను స్క్రీన్‌పై చూస్తున్నామ‌ని చెబుతున్నారు.

PG Medical Students : పీజీ వైద్య విద్యార్థుల‌కు ఎన్ఎంసీ కీల‌క ప్ర‌క‌ట‌న‌.. ఈ విష‌యంలో అనుమ‌తి త‌ప్ప‌నిస‌రి..

ముఖ్యంగా, టెన్త్​ ప‌రీక్ష‌ల స‌మ‌యంలో ఈ-కంటెంట్​ ఇవ్వడం వల్ల సబ్జెక్ట్​ చాలా ఈజీగా అర్థం అవుతోందని, క్లాస్‌లో సందేహాలుంటే, ఇంటికి వెళ్లిన త‌రువాత క్యూఆర్ కోడ్ స‌హ‌కారంతో పూర్తిగా సందేహాలు క్లియ‌ర్ అవుతున్నాయని, ప‌రీక్ష‌ల స‌మ‌యంలో ఇది ఎంతో మేలు చేస్తుంద‌ని, ఇంట్లో ఉండే ఫోన్‌లో క్లాస్ వింటున్నామ‌ని.. ఎమ్మెల్యే యెన్నం సార్​కు థ్యాంక్స్​ చెప్పారు. విద్యార్థులు.. కె.భార్గవి, టెన్త్​ క్లాస్​, గాంధీ రోడ్​ హైస్కూల్​, మహబూబ్​నగర్, - అమ్రిన్​ తబస్సుం, టెన్త్​ క్లాస్​, గాంధీ రోడ్​ హైస్కూల్​, మహబూబ్​నగర్​.

☛Follow our YouTube Channel (Click Here)

☛ Follow our Instagram Page (Click Here)

☛ Join our WhatsApp Channel (Click Here)

☛ Join our Telegram Channel (Click Here)