Legal Service Authority: ర్యాగింగ్‌కు పాల్పడితే కఠిన శిక్షలు
Sakshi Education
ఖమ్మం వైద్యవిభాగం/ఖమ్మం లీగల్‌: విద్యార్థులు చట్టాలపై అవగాహన పెంచుకోవాలని జిల్లా న్యాయ సేవా అధికార సంస్థ కార్యదర్శి కే.వీ.చంద్రశేఖరరావు సూచించారు.
Punishment for Ragging
ఖమ్మం ప్రభుత్వ మెడికల్‌ కాలేజీలో ఇటీవల ఘటనల నేపధ్యాన న‌వంబ‌ర్‌ 19న న్యాయ విజ్ఞాన సదస్సు ఏర్పాటుచేశారు. ఈ సదస్సులో న్యాయమూర్తి మాట్లాడుతూ విద్యార్థులు ర్యాగింగ్‌కు పాల్పడితే కఠిన శిక్షలు ఉంటాయనే విషయాన్ని గుర్తించాలని తెలిపారు.
అనంతరం పోలీసు కమిషనర్‌ సునీల్‌దత్‌ మాట్లాడుతూ ర్యాగింగ్‌ చేస్తే భవిష్యత్‌ బలవుతుందని చెప్పారు. విద్యార్థులు చదువుపై మాత్రమే శ్రద్ధ వహిస్తూ చట్టాలను తెలుసుకుని నడుచుకోవాలని సూచించారు.
ఈ సదస్సులో టౌన్‌ ఏసీపీ రమణమూర్తి, మెడికల్‌ కాలేజీ ప్రిన్సిపాల్‌ రాజేశ్వరరావు, లీగల్‌ ఎయిడ్‌ డిఫెన్స్‌ కౌన్సిల్‌ మామిడి హన్మంతతరావు తదితరులు పాల్గొన్నారు.
