Gurukula schools: గురుకుల ప్రవేశానికి దరఖాస్తు గడువు పొడిగింపు.. చివరితేది ఎప్పుడంటే..?
ఇందులో ఎస్సీ, ఎస్టీ, బీసీ, జనరల్‌ గురుకుల పాఠశాలల్లో 5వ తరగతి ఇంగ్లిష్‌ మీడియంలో ప్రవేశానికి విద్యార్థులు ప్రవేశాలు కల్పించనున్నారు. ప్రభుత్వ, ప్రభుత్వ గుర్తింపు పొందిన పాఠశాలలలో నాలుగో తరగతి చదువుతున్న విద్యార్థులు దీనికి అర్హులు.
ప్రవేశ పరీక్షకు దరఖాస్తు గడువు డిసెంబరు 18న ప్రారంభం అయ్యింది. జనవరి 6న ముగిసిన దరఖాస్తు గడువును జనవరి 20 వ‌ర‌కు పొడిగించిన‌ట్లు అధికారులు ఇటీవ‌ల ప్ర‌క‌టించారు. ఆసక్తి, అర్హత గల విద్యార్థులు ఆన్‌లైన్‌లో రూ.100 రుసుము చెల్లించి దరఖాస్తు చేసుకోవాలని సూచించారు. రాష్ట్రంలోని అన్ని జిల్లాల్లో ఎంపికచేసిన కేంద్రాల్లో ఫిబ్ర‌వ‌రి 11వ తేదీ ఉద‌యం 11 గంట‌ల నుంచి మ‌ధ్యాహ్నాం ఒంటి గంట వ‌ర‌కు పరీక్ష నిర్వహించనున్నారు.
రాష్ట్రవ్యాప్తంగా ఎస్సీ, ఎస్టీ, బీసీ, సాధారణ సొసైటీల కింద మొత్తం 643 గురుకులాల్లో 51,924 సీట్లు అందుబాటులో ఉన్నాయి. ప్రస్తుతం నాలుగో తరగతి చదువుతున్న విద్యార్థులు దరఖాస్తు చేసుకోవాలని, దీంతోపాటు బోనఫైడ్‌/స్టడీ సర్టిఫికెట్‌ను అప్‌లోడ్ చేసుకోవ‌చ్చు.
సీట్ల వివరాలు ఇవే..
సొసైటీ బాలికలు బాలురు సీట్ల సంఖ్య
ఎస్సీ గురుకులాలు 141 91 18,560
ఎస్టీ గురుకులాలు 46 36 6,560
బీసీ గురుకులాలు 146 148 23,680
సాధారణ సొసైటీ 20 15 3,124
మొత్తం 353 290 51,924
చదవండి:
Korukonda Sainik School: ప్రగతిపథంలో కోరుకొండ సైనిక్‌ స్కూల్‌