Free training computer software Course: కంప్యూటర్‌ సాఫ్ట్‌వేర్‌, హార్డ్‌వేర్‌లో ఉచిత శిక్షణ

రాష్ట్ర ప్రభుత్వం రామగిరిలో ఏర్పాటు చేసిన స్కిల్‌ కాలేజ్‌లో నిరుద్యోగ యువతకు ఉచితంగా నైపుణ్యాభివృద్ధి శిక్షణతో పాటు ఉద్యోగ అవకాశాలు కల్పిస్తున్నట్లు స్కిల్‌ కాలేజ్‌ మేనేజర్‌ నాగేంద్రబాబు ఓ ప్రకటనలో తెలిపారు.

ఏదైన డిగ్రీ, బీటెక్‌, డిప్లొమో చదువుకున్న నిరుద్యోగులు ఈనెల 8 నుంచి 13వ తేదీ వరకు ఉచిత శిక్షణకు దరఖాస్తు చేసుకోవచ్చాన్నరు. 5జీ నెట్‌వర్క్‌, కంప్యూటర్‌ సాఫ్ట్‌వేర్‌, ఎంఎస్‌ ఆఫీస్‌, టాలీ, కంప్యూటర్‌ హార్డ్‌వేర్‌ తదితర కోర్సులను 6 నెలల పాటు ఉచితంగా శిక్షణ ఇస్తామని పేర్కొన్నారు.

శిక్షణ సమయంలో ఉచిత భోజనం, వసతి సౌకర్యం కూడా కల్పిస్తామన్నారు. 6 నెలల శిక్షణ అనంతరం సర్టిఫికెట్‌తో పాటు వివిధ ప్రైవేట్‌ కంపెనీల్లో ఉద్యోగ అవకాశాలు కల్పిస్తామని తెలిపారు.

ఆసక్తి ఉన్న యువత రాష్ట్ర ప్రభుత్వం ఉచితంగా అందిస్తున్న ఈ శిక్షణను సద్వినియోగం చేసుకోవాలని సూచించారు. మరిన్ని వివరాలకు సెల్‌ నంబర్‌ 7386143423 ను సంప్రదించాలన్నారు.