TG Rajiv Yuva Vikasam 2025 Application Begins: నిరుద్యోగులకు శుభవార్త.. రూ. 3 లక్షల వరకు ఆర్థిక సాయం..'రాజీవ్‌ యువ వికాసం' పథకం దరఖాస్తులు ప్రారంభం

అర్హత:
ఈ పథకానికి దరఖాస్తు చేసుకోవాలనుకునేవారు..

• తెలంగాణకు చెందిన స్థిర నివాసి అయి ఉండాలి.
• ఎస్సీ, ఎస్టీ, బీసీ లేదా మైనారిటీ వర్గానికి చెందిన వారు అయి ఉండాలి.
• దరఖాస్తు సమయంలో నిరుద్యోగిగా ఉండాలి.
• ఆధార్, కుల ధృవీకరణ పత్రం, బ్యాంక్ ఖాతా వివరాలు వంటివి  సమర్పించాలి.

అవసరమైన పత్రాలు (Required Documents):

1. ఆధార్ కార్డ్
2. తెలంగాణ నివాస ధృవీకరణ పత్రం
3. కుల & ఆదాయ ధృవీకరణ పత్రాలు
4. బ్యాంక్ ఖాతా వివరాలు
5. రేషన్ కార్డ్
6. ఎంప్లాయ్మెంట్ ఎక్స్ఛేంజ్ నమోదు

రూ.3 లక్షల వరకు రుణాలు :

రాజీవ్‌ యువ వికాసం స్కీమ్ కింద లబ్ధిదారులకు మూడు కేటగిరీ వారీగా రుణాలను మంజూరు చేయను​ంది. కేటగిరీ-1 కింద రూ.లక్ష వరకు లోన్​లను అందించనుంది. ఇందులో 80 శాతం రాయితీ ఉంటే, మిగతా 20 శాతం లబ్ధిదారుడు భరించడమో లేదా బ్యాంకు నుంచి రుణం తీసుకోవడమో ఉంటుంది. కేటగిరీ 2 కింద రూ.లక్ష నుంచి రూ.2 లక్షల వరకు రుణాలు ఇస్తారు. ఇందులో 70 శాతం రాయితీ ఉంటుంది. కేటగిరీ 3 కింద 60 శాతం రాయితీతో రూ.3 లక్షల వరకు రుణాలు ఇస్తారు.  

సబ్సిడీ వివరాలు 

ఎలా దరఖాస్తు చేసుకోవాలి?

• ముందుగా అధికారిక వెబ్‌సైట్‌ tgobmms.cgg.gov.inను సందర్శించండి. 
• మీ  మొబైల్ నంబర్, ఈ-మెయిల్‌ ఐడీతో ఓ ఖాతాను తెరవండి. 
• అవసరమైన డాక్యుమెంట్స్‌ను అప్‌లోడ్‌ చేయండి
• మీ దరఖాస్తు ఫారమ్‌ను చెక్‌చేసుకొని సబ్‌మిట్‌ బటన్‌పై క్లిక్‌ చేయండి

‘రాజీవ్ యువ వికాసం’ పథకం 2025 ముఖ్యాంశాలు:

👉మొత్తం బడ్జెట్: ₹6,000 కోట్లు
👉లబ్ధిదారులు: 5 లక్షల నిరుద్యోగ యువత
👉ఆర్థిక సహాయం: ప్రతి అర్హుడికి ₹3 లక్షల వరకు ఆర్థికసాయం
👉దరఖాస్తు విధానం: ఆన్‌లైన్‌లో
👉అప్లికేషన్స్‌ ప్రారంభం: మార్చి 17 నుంచి
👉దరఖాస్తుకు చివరి తేది: ఏప్రిల్‌ 5 వరకు
👉అప్లికేషన్ల వెరిఫికేషన్: ఏప్రిల్‌‌‌‌ 6 నుంచి మే 31 వరకు
👉మంజూరు పత్రాల అందజేత: జూన్‌‌‌‌ 2