Rajiv Yuva Vikasam Scheme Application Link 2025 : యువ వికాసం పథకానికి ద‌ర‌ఖాస్తులు ప్రారంభం.. డైరెక్ట్ లింక్ ఇదే..

ఆసక్తి కలిగిన నిరుద్యోగ యువత... రాజీవ్ యువ వికాసం పథకంను  https://tgobmms.cgg.gov.in/ ఆన్‌లైన్ ద్వారా ద‌ర‌ఖాస్తు చేసుకోచ్చు. మార్చి 17వ తేదీ నుంచి ఏప్రిల్ 5వ తేదీలోపు దరఖాస్తు చేసుకోవాలి.

5 లక్షల మందికి.. దాదాపు... 
ఈ పథకం కింద దాదాపు 5 లక్షల మందికి రూ.6 వేల కోట్లతో సబ్సిడీ రుణాలను ప్రభుత్వం మంజూరు చేయనుంది. దీన్ని ఎస్సీ, ఎస్టీ, బీసీ, మైనార్టీ కార్పొరేషన్ల ద్వారా అమలు చేయనుంది. 

ఇలా రుణాలు ఇస్తారు...
ఏజెన్సీ ప్రాంతాల్లోని గిరిజనులు ఈ పథకానికి దరఖాస్తు చేసుకోవాలంటే ఐటీడీఏ అధికారులను సంప్రదించాలని గిరిజన సహకార ఆర్థిక సంస్థ తెలిపింది. అర్హులకు కేటగిరీ 1, 2, 3 వారీగా రుణాలు ఇవ్వనున్నట్టు తెలిసింది. కేటగిరీ 1 కింద రూ.లక్ష వరకు రుణాలు అందిస్తారు. ఇందులో 80 శాతం రాయితీ పోను, మిగతా 20 శాతం లబ్ధిదారు భరించడమో లేదా బ్యాంక్ నుంచి రుణం తీసుకోవడమో ఉంటుంది. కేటగిరీ 2 కింద రూ.లక్ష నుంచి రూ.2 లక్షల వరకు రుణాలు ఇస్తారు. ఇందులో 70 శాతం రాయితీ ఉంటుంది. కేటగిరీ 3 కింద 60 శాతం రాయితీతో రూ.3 లక్షల వరకు రుణాలు ఇస్తారు.

ఏప్రిల్‌ 6 నుంచి మే 31 వరకు..
ఏప్రిల్‌ 6 నుంచి మే 31 వరకు అప్లికేషన్ల వెరిఫికేషన్ కొనసాగుతుంది. అర్హులను ఎంపిక చేసి, రాష్ట్ర ఆవిర్భావ దినోత్సవం రోజు అయిన‌ జూన్ 2వ తేదీన‌ లబ్ధిదారులకు మంజూరు పత్రాలను అందజేస్తారు. ఈ పథకం కింద ఒక్కొక్కరు గరిష్టంగా రూ.3 లక్షల వరకు ప్రభుత్వం నుంచి సబ్సిడీ పొందవచ్చు. ఈ పథకానికి సంబంధించిన అర్హతలు, ఎంపిక విధానం తదితర వివరాలు ఆయా కార్పొరేషన్ల వెబ్‌సైట్‌లో ఇప్పటికే వెల్లడించారు.

➤☛  Telangana Rajiv Yuva Vikasam 2025 Applications Started : Check Direct Link Here! https://education.sakshi.com/en/careers/education-news/tg-rajiv-yuva-vikasam-2025-applications-direct-link-self-employment-govt-scheme-173513 

➤☛ యువ వికాసం పథకానికి ద‌ర‌ఖాస్తులు కోసం ఈ లింక్‌ను క్లిక్ చేయండి