Free Courses for Woman: మహిళలకు ఉచితంగా ఏఎన్ఎం ట్రైనింగ్ కోర్సులు
Sakshi Education
ఉచితంగా ఈ కోర్సుల్లో శిక్షణ పొందేందుకు మహిళలు త‌మ వివ‌రాలను ప్రకటించిన వెబ్సైట్ లో ద‌ర‌ఖాస్తులు చేసుకోవాల‌ని తెలిపారు. ఈ ప్ర‌వేశాలకు దరఖాస్తు వివరాలు, తేదీలను కింది వివ‌రాల‌లో ప్ర‌క‌టించారు.
Free ANM courses for woman
సాక్షి ఎడ్యుకేష‌న్: ఇంటర్మీడియట్‌ ఉత్తీర్ణులైన(ఏ గ్రూపు అయినా) మహిళలకు రెండు సంవత్సరాల ఉచిత మల్టీపర్పస్‌ హెల్త్‌ వర్కర్స్‌/ఏఎన్ఎం ట్రైనింగ్ కోర్సులో ప్రవేశానికి దరఖాస్తులను ఆహ్వానిస్తున్నట్లు ఆదర్శ మల్టీపర్పస్‌ హెల్త్‌ వర్కర్స్‌ ట్రైనింగ్ కళాశాల కరస్పాండెంట్‌ ఈదూరు పద్మాకర్‌ బుధవారం ఒక ప్రకటనలో కోరారు.
మొత్తం సీట్లు 40 ఉన్నాయని, ప్రవేశం పొందాలనుకునే మహిళలు 2023 డిసెంబర్‌ 31వ తేది నాటికి 17 సంవత్సరాల వయస్సు నిండి 30 సంవత్సరాల్లోపు ఉండాలన్నారు. దరఖాస్తులను ప్రభుత్వ వెబ్సైట్ http://cfw.ap.nic.in నుంచి పొందాలన్నారు. పూర్తి చేసిన దరఖాస్తులను ఈ నెల 31లోగా జిల్లా వైద్య ఆరోగ్య శాఖ అధికారి కార్యాలయంలో అందించాలన్నారు. వివరాలకు 9848352725, 7416404740 నెంబర్లను సంప్రదించాలన్నారు.
