SA 1 Exams: ఎస్‌ఏ–1 పరీక్షలు తేదీలు ఇవే..

Sakshi Education

నిర్మల్‌ రూరల్‌: జిల్లాలోని ప్రభుత్వ, ప్రైవేట్‌ పాఠశాలల విద్యార్థులకు గురువారం నుంచి అక్టోబ‌ర్ 11వరకు సమ్మేటివ్‌ అసెస్మెంట్‌ (ఎస్‌ఏ–1) పరీక్షలు నిర్వహించనున్నారు.

SA 1 Exams — ఎస్‌ఏ–1 పరీక్షలు తేదీలు ఇవే..

అక్టోబ‌ర్ 30లోపు జవాబు పత్రాలను దిద్ది, 31వ తేదీన ప్రోగ్రెస్‌ కార్డులు సిద్ధం చేయాల్సి ఉంటుంది. నవంబర్‌ 1వ తేదీన తల్లిదండ్రుల సమావేశం ఏర్పాటు చేసి ప్రోగ్రెస్‌ కార్డులు వారికి అందజేయాలని ప్రభుత్వం ఆదేశించింది. తాజాగా పరీక్షల సమయాన్ని మారుస్తూ ప్రభుత్వం ఉత్తర్వులు జారీ చేసింది. 6, 8, 10 తరగతులవారికి ఉదయం, 7, 9 తరగతుల విద్యార్థులకు మధ్యాహ్నం పరీక్షలు నిర్వహిస్తారు.

1–5 తరగతులకు ఉదయం 9.30నుంచి మధ్యాహ్నం 12గంటల వరకు, 6 ,8, తరగతులకు ఉదయం 10నుంచి మధ్యాహ్నం 12.45గంటల వరకు, ఏడో తరగతి విద్యార్థులకు మధ్యాహ్నం 2నుంచి సాయంత్రం 4.45గంటల వరకు, 9వ తరగతికి విద్యార్థులకు మధ్యాహ్నం 1.30 నుంచి సాయంత్రం 4.30గంటల వరకు, పదో తరగతి విద్యార్థులకు ఉదయం 10నుంచి మధ్యాహ్నం ఒంటిగంట వరకు నిర్వహిస్తారు. ఇప్పటికే ప్రశ్నపత్రాలను ఆయా పాఠశాలలకు చేరవేశామని జిల్లా పరీక్షల సహాయ కమిషనర్‌ పద్మ తెలిపారు. పరీక్షలు పకడ్బందీగా నిర్వహించాలని డీఈవో రవీందర్‌రెడ్డి ఆదేశించారు.

Published date : 05 Oct 2023 03:06PM