ఇంటర్ ఫిజిక్స్ ప్రాక్టికల్ పరీక్షలకు సూచనలు

ఫిజిక్స్ ప్రాక్టికల్స్ 30 మార్కులకు ఉంటాయి. వీటిని మొత్తం మార్కులకు కలుపుతారు. తేలికైన విధానాన్ని అనుసరించడం ద్వారా మంచి మార్కులు పొందొచ్చు.

	అంశం	మార్కులు
1.	ఫార్ములా, ప్రొసీజర్	2+3 = 5
2.	టాబ్యులర్ ఫాం, అబ్జర్వేషన్స్, గ్రాఫ్	2+4+2 = 8
3.	కాలిక్యులేషన్స్, రిజల్ట్, యూనిట్లు	4+1+1 = 6
4.	ప్రికాషన్స్	2
5.	వైవా	5
6.	రికార్డు	4
	మొత్తం	30 మార్కులు

• ఇంటర్ రెండేళ్ల కాలంలో 20 ప్రయోగాలు చేస్తారు. వీటి ఆధారంగా ప్రాక్టికల్ పరీక్షలో ప్రశ్నలు వస్తాయి.
• ఎక్స్‌టెర్నల్ ఎగ్జామినర్ సమక్షంలో విద్యార్థి ఒక ప్రాక్టికల్‌ను 3 గంటల వ్యవధిలో చేయాలి.
• పయోగాన్ని కేటాయించిన తర్వాత విద్యార్థి తొలి అర్ధ గంటలో థియరీ పార్ట్ రాసి, ఎగ్జామినర్‌కు చూపిస్తే అప్పుడు పరికరం ఇస్తారు.

ఫార్ములా, ప్రొసీజర్:

• తొలుత సూత్రాన్ని రాసి, అందులోని పదాలను తప్పనిసరిగా వివరించాలి.
• పది వాక్యాలకు మించకుండా ప్రయోగ విధానం రాయాలి. పరికరం వర్ణన రాయనవసరం లేదు.

టాబ్యులేషన్ ఫాం, అబ్జర్వేషన్, గ్రాఫ్: ఇచ్చిన ప్రశ్నకు సంబంధించి ఖాళీ పట్టకను గీయాలి.

• గాఫ్స్ అవసరమైతే నమూనా గ్రాఫ్‌లను గీయాలి. ప్రయోగ సమయంలో పరిశీలించిన అంశాలను విడిగా రాయాలి.

జాగ్రత్తలు: ప్రయోగ నిర్వహణకు సంబంధించి కనీసం రెండు జాగ్రత్తలు రాయాలి.

క్యాలిక్యులేషన్స్, ఫలితం, యూనిట్లు:

• పయోగం నిర్వహించిన తర్వాత వచ్చిన విలువ ఫలితం.దీనికి యూనిట్లను తప్పనిసరిగా రాయాలి.
• పయోగ సమయంలో తీసిన రీడింగ్స్‌ను పట్టకలో పొందుపరచాలి.
• పయోగ సమయంలో పొందిన విలువలను సూత్రంలో ప్రతిక్షేపించి, తుది ఫలితం పొందాలి.
• వైవా: ప్రయోగ పరీక్ష సమయంలో ఎక్స్‌టెర్నల్ ఎగ్జామినర్ విద్యార్థిని కొన్ని ప్రశ్నలు అడుగుతారు. ప్రయోగానికి సంబంధించి కనీసం 5 ప్రశ్నలు అడుగుతారు. వీటికి విద్యార్థి సమాధానాలు చెప్పాలి. సూటిగా సమాధానాలు చెప్పడం ద్వారా మంచి మార్కులు పొందొచ్చు.
• రికార్డులు: పరీక్ష గదికి రికార్డు తీసుకెళ్లాలి. దీనికి నాలుగు మార్కులుంటాయి.

- డి.శివకుమార్, శ్రీచైతన్య విద్యాసంస్థలు.