‘మహాత్మా జ్యోతిబా పూలే ఆంధ్రప్రదేశ్‌ వెనుకబడిన తరగతుల గురుకుల విద్యాలయాల సంస్థ’ విద్యార్థులు 36 మంది ట్రిపుల్ ఐటీలకు ఎంపికైనట్లు సంస్థ కార్యదర్శి ఎ.కృష్ణమోహన్ తెలిపారు.
గురుకుల విద్యార్థులకు ట్రిపుల్ ఐటీల్లో సీట్లు
ఈ మేరకు నవంబర్‌ 30న ఆయన ఒక ప్రకటన విడుదల చేశారు. రాష్ట్రంలోని రాజీవ్‌గాంధీ యూనివర్సిటీ ఆఫ్‌ నాలెడ్జి అండ్‌ టెక్నాలజీ (ఆర్జీయూకేటీ) పరిధిలోని నాలుగు ట్రిపుల్ ఐటీల్లో 2021–2022 విద్యా సంవత్సరంలో ప్రవేశాలకు నిర్వహించిన ప్రవేశ పరీక్షల్లో గురుకులాల విద్యార్థులు సత్తా చాటినట్టు ఆయన తెలిపారు. ట్రిపుల్ ఐటీకి ఎంపికైన విద్యార్థులను, అందుకు కృషి చేసిన ఉపాధ్యాయులను ఈ సందర్భంగా కృష్ణమోహన్ అభినందించారు.
