Celebrity Taxpayer List: అడ్వాన్స్ ట్యాక్స్లో అగ్రస్థానంలో ఉన్న బాలీవుడ్ నటుడు షారుఖ్ ఖాన్
Sakshi Education
గత ఆర్థిక సంవత్సరం అత్యధికంగా అడ్వాన్స్ ట్యాక్స్ చెల్లించిన సెలబ్రిటీల్లో బాలీవుడ్ నటుడు షారుఖ్ ఖాన్ అగ్రస్థానంలో నిలిచారు.
![Shah Rukh Khan leads 2024 celebrity taxpayer list and Thalapathy Vijay in second place](/sites/default/files/images/2024/09/06/shah-rukh-khan-1725621622.jpg)
ఆయన రూ.92 కోట్లు చెల్లించారు. తమిళ నటుడు విజయ్ రూ.80 కోట్లతో రెండో స్థానంలో ఉన్నారు. 2023–24లో భారీ స్థాయిలో అడ్వాన్స్ ట్యాక్స్ చెల్లించిన సెలబ్రిటీలతో ఫార్చూన్ ఇండియా రూపొందించిన 'ది స్టార్ కాస్ట్' లిస్టులో ఈ విషయాలు వెల్లడయ్యాయి.
దీని ప్రకారం బాలీవుడ్ నటులు సల్మాన్ ఖాన్ (రూ.75 కోట్లు), అమితాబ్ బచ్చన్ (రూ.71 కోట్లు) వరుసగా మూడు, నాలుగో స్థానాల్లో ఉన్నారు. క్రికెటర్లలో విరాట్ కోహ్లి అత్యధికంగా రూ.66 కోట్లు చెల్లించగా, ఎంఎస్ ధోని రూ.38 కోట్లు, సచిన్ టెండూల్కర్.. సౌరవ్ గంగూలీ వరుసగా రూ.28 కోట్లు, రూ.23 కోట్లు చెల్లించారు. పెద్ద మొత్తంలో అడ్వాన్స్ ట్యాక్స్ కట్టిన సినీ ప్రముఖుల్లో అల్లు అర్జున్, మోహన్లాల్ చెరో రూ.14 కోట్లు కట్టగా ఆమిర్ ఖాన్ రూ.10 కోట్లు చెల్లించారు.
Published date : 06 Sep 2024 04:50PM