స్వతంత్ర భారతావని తొలి విద్యాశాఖ మంత్రి మౌలానా అబుల్‌ కలాం ఆజాద్‌ జయంతిని పురస్కరించుకొని నవంబర్‌ 11న నిర్వహించే జాతీయ మైనార్టీ సంక్షేమ దినోత్సవంలో పలువురికి జీవితకాల సాఫల్య పురస్కారాలు (లైఫ్‌ టైమ్‌ అచీవ్‌మెంట్‌ అవార్డు)ను ప్రదానం చేయనున్నట్లు ఆంధ్రప్రదేశ్‌ రాష్ట్ర ఉర్దూ అకాడమీ చైర్మన్‌ హెచ్‌ నదీమ్‌ అహ్మద్‌ తెలిపారు. ఉర్దూ భాష అభివృద్ధి, సాహిత్య, విభిన్న విభాగాల్లో అత్యుత్తమ సేవలందించిన మహోన్నతులకు ఈ పురస్కారాలను అందజేస్తామని చెప్పారు. ఈ మేరకు నవంబర్‌ 1న ఓ ప్రకటన విడుదల చేశారు. ఈ ప్రకటనలోని వివరాల ప్రకారం...
- మౌలానా అబుల్‌ కలాం ఆజాద్‌ జాతీయ పురస్కారానికి ఎంపికైన వారికి రూ.1.25 లక్షల ప్రోత్సాహంతోపాటు జ్ఞాపిక, సర్టిఫికెట్‌ ప్రదానం చేస్తారు.
- డాక్టర్‌ అబ్దుల్‌ హఖ్‌ ప్రాంతీయ (దక్షిణ భారతదేశం) పురస్కారానికి ఎంపికైన వారికి రూ.లక్షతోపాటు జ్ఞాపిక, «సర్టిఫికెట్‌ అందిస్తారు.
- ఉర్దూ భాషాభివృద్ధి కోసం కృషి చేస్తున్న ముగ్గురు ఉపాధ్యాయులకు ఉత్తమ ఉపాధ్యాయ పురస్కారం, ఉర్దూ భాషతో అత్యున్నత శ్రేణిలో రాణించిన ముగ్గురు విద్యార్థులకు ఉత్తమ విద్యార్థి పురస్కారం అందించనున్నారు.
చ‌ద‌వండి: వైఎస్సార్‌ జీవిత సాఫల్య పురస్కారాన్ని ఎంతమందికి అందజేశారు?
క్విక్‌ రివ్యూ :
ఏమిటి : జాతీయ మైనార్టీ సంక్షేమ దినోత్సవం(నవంబర్‌ 11) సందర్భంగా పలువురికి జీవితకాల సాఫల్య పురస్కారాల (లైఫ్‌ టైమ్‌ అచీవ్‌మెంట్‌ అవార్డు) ప్రదానం
ఎప్పుడు : నవంబర్‌ 1
ఎవరు : ఆంధ్రప్రదేశ్‌ రాష్ట్ర ఉర్దూ అకాడమీ చైర్మన్‌ హెచ్‌ నదీమ్‌ అహ్మద్‌
ఎందుకు : ఉర్దూ భాష అభివృద్ధి, సాహిత్య, విభిన్న విభాగాల్లో అత్యుత్తమ సేవలందించినందున...
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
