Medical College: కళాశాల ప్రారంభోత్స‌వానికి ఏర్పాట్లు ప‌రిశీల‌న
Sakshi Education
ముఖ్యమంత్రి కేసీఆర్ వర్చువల్ విధానంలో ప్రారంభించనున్న వైద్య కళాశాల కోసం జ‌రిగే ఏర్పాట్లను ఎమ్మెల్యే, ప్రిన్సిపాల్ లు ప‌రిశీలించి పనులు త్వ‌ర‌గా పూర్తయ్యేలా చర్యలు తీసుకోవాలని ఆదేశించారు.
Inspection of arrangements for inauguration day
సాక్షి ఎడ్యుకేష‌న్: వైద్యకళాశాలను ప్రారంభానికి సిద్ధం చేయాలని కలెక్టర్‌ హేమంత్‌ బోర్కడే అన్నారు. ఆసిఫాబాద్‌ మండలం అంకుసాపూర్‌ పంచాయతీ పరిధిలో నిర్మిస్తున్న మెడికల్ కాలేజీని ఎమ్మెల్యే ఆత్రం సక్కు, ప్రిన్సిపాల్ నాగార్జున చారితో కలిసి మంగళవారం పరిశీలించారు.
ఈ సందర్భంగా కలెక్టర్‌ మాట్లాడుతూ ముఖ్యమంత్రి కేసీఆర్ వర్చువల్ విధానంలో వైద్య కళాశాలలను ప్రారంభించనున్న నేపథ్యంలో అన్ని ఏర్పాట్లు చేయాలన్నారు. ఇంజినీరింగ్‌, వైద్యారోగ్యశాఖ అధికారులు ఈ నెల 15 నాటికి పనులు పూర్తయ్యేలా చర్యలు తీసుకోవాలని ఆదేశించారు. కార్యక్రమంలో జెడ్పీటీసీ నాగేశ్వర్‌రావు, ఎంపీపీ మల్లికార్జున్‌ తదితరులు ఉన్నారు.
