Skill Development: పరిశ్రమల ఆవరణలోనే విద్యార్థులకు నైపుణ్య శిక్షణ
![ICSTP Skill Training and Placements Program ICSTP Programme Skill Training in Industries Skill training for students in industrial premises Andhra Pradesh Skill Development Department](/sites/default/files/images/2024/01/10/skilltraining-1704874054.jpg)
విద్యార్థి దశలోనే నైపుణ్యాలు అందించేందుకు ప్రభుత్వం ఇప్పటికే స్కిల్ కాస్కేడింగ్ సిస్టమ్ను అమలు చేస్తోందన్నారు. ఈ మేరకు జనవరి 9న విశాఖలో ఇండస్ట్రీ స్టేక్ హోల్డర్స్ వర్క్షాప్లో నైపుణ్యాభివృద్ధి సంస్థ, రీటైలర్స్ అసోసియేషన్ స్కిల్ కౌన్సిల్ ఆఫ్ ఇండియా సంస్థతో శిక్షణపై అవగాహన ఒప్పందం చేసుకుంది.
ఆయన మాట్లాడుతూ పరిశ్రమలకు డిమాండ్ ఉన్న కోర్సుల్లో 30–45 రోజులపాటు శిక్షణ ఇచ్చి అక్కడే ఉపాధి కల్పిస్తామన్నారు. భవిష్యత్తులో తయారీ పరిశ్రమలోనే కాకుండా ఐటీ, సేవా రంగాల్లో కూడా శిక్షణ ఇస్తామన్నారు.
చదవండి: Bridge Course: బ్రిడ్జి కోర్సు శిక్షణకు దరఖాస్తుల ఆహ్వానం
ప్రభుత్వ సలహాదారు (ఉద్యోగ మేళా, శిక్షణ) జి.శ్రీధర్రెడ్డి మాట్లాడుతూ పేద విద్యార్థులను ప్రపంచ స్థాయి ఉద్యోగాల్లో నిలబెట్టేలా సీఎం వైఎస్ జగన్ 192 స్కిల్హబ్స్, 26 స్కిల్ కాలేజీలను ప్రవేశపెట్టారన్నారు. వీటి ద్వారా ఏటా రూ.50 వేలకు పైగా విద్యార్థులకు శిక్షణ ఇస్తున్నామన్నారు.
జాబ్ క్యాలెండర్ ద్వారా ప్రతి నెలా ప్రతి జిల్లాలో 2 జాబ్ మేళాలు ఏర్పాటు చేసి 30 వేల మందికి పైగా ఉద్యోగావకాశాలు కల్పించామన్నారు. త్వరలోనే స్కిల్ వర్సిటీని కూడా అందుబాటులోకి తీసుకొస్తామన్నారు. నైపుణ్యాభివృద్ధి సంస్థ ఎండీ వి.వినోద్ కుమార్ మాట్లాడుతూ యువతకు నైపుణ్యంతో కూడిన శిక్షణ, ఉద్యోగ అవకాశాలు కల్పించడానికి చిత్తశుద్ధితో పని చేస్తున్నట్టు చెప్పారు.
చదవండి: National Education Policy: విద్యార్థులకు వృత్తివిద్య నైపుణ్యం