Sakshi Education
కోదాడ : కోదాడ పట్టణ పరిధిలోని బాలాజీనగర్‌లో గల కేఆర్‌ఆర్‌ ప్రభుత్వ డిగ్రీ కళాశాలకు యూనివర్సిటీ గ్రాంట్‌ కమిషన్‌ (యూజీసీ) ఈ విద్యాసంవత్సరం నుంచి ఐదు సంవత్సరాల వరకు స్వయం ప్రతిపత్తిని ప్రకటించింది.
ఈ మేరకు యూజీసీ డిప్యూటీ కార్యదర్శి డాక్టర్‌ గోపిచంద్‌ మెరుగు మహాత్మాగాంధీ యూనివర్సిటీకి సమాచారం అందించారు. 2024–25 విద్యాసంవత్సరం నుంచి 2028–2029 విద్యాసంవత్సరం వరకు ఈ అనుమతి లభించనుంది. దీనిని రెన్యూవల్‌ చేసుకోవడానికి గడువు ముగిసే సమయానికి మూడు నెలల ముందు మరోసారి దరఖాస్తు చేసుకోవాలని ఆ ఉత్తర్వులలో పేర్కొన్నారు.
చదవండి: Govt Degree College: పేరుకే ప్రభుత్వ డిగ్రీ కళాశాల!
తమ కళాశాలకు స్వయం ప్రతిపత్తి రావడం పట్ల ప్రిన్సిపాల్‌ ఎం.నాగు, అధ్యాపకులు జూలై 11న హర్షం వ్యక్తం చేశారు.
Published date : 13 Jul 2024 09:51AM
