సాక్షి ఎడ్యుకేషన్..
తెలుగు విషయానికి వస్తే... సాక్షి ఎడ్యుకేషన్ యూట్యూబ్‌లో వినూత్నమైన ఆలోచనలతో సృష్టించిన అన్ని తరగతుల విద్యార్థుల అకడమిక్ గైడెన్స్, పోటీ పరీక్షల గైడెన్స్, విద్యార్థుల సందేహాలు వంటి వీడియోలు మంచి ఆదరణ పొందాయి.
స్పోకెన్ ఇంగ్లిష్ కు ‘కైజెన్ ఇంగ్లిష్’
తమిళనాడుకు చెందిన మలర్‌ సృష్టించిన చానల్‌ ఇది. ఆర్థిక ఇబ్బందుల కారణంగా కాలేజీకి కూడా వెళ్లలేని మలర్‌.. దూరవిద్య కోర్సుల ద్వారానే డిగ్రీ పూర్తి చేశారు. తర్వాత టీచర్‌గా ఉపాధి పొందారు కూడా. ఆ సమయంలో ఇంగ్లిష్ రాకపోవడం వల్ల తాను పడ్డ కష్టాలు ఇతరులకు రావొద్దన్న సంకల్పంతో ‘కైజెన్ ఇంగ్లిష్’ పేరిట యూట్యూబ్‌ చానల్‌ మొదలుపెట్టారు. తమిళంలో మాట్లాడుతూ ఇంగ్లిష్ భాషను బోధిస్తున్నారు. ప్రస్తుతం ఈ చానెల్‌కు 9.77 లక్షల మంది సబ్‌స్రై్కబర్లు ఉన్నారు. ఈ చానల్‌ ద్వారా కోచింగ్‌ పొందిన తాము ఉద్యోగ ఇంటర్వూ్యలను విజయవంతంగా ఎదుర్కొన్నామని, ఇతరులతో ఇంగ్లిషులో ధీమాగా మాట్లాడటం అలవాటు చేసుకున్నామని సబ్‌స్రై్కబర్లు చెప్తుండటం గమనార్హం.
అనాథలకు అన్నం పెడుతున్న నవాబ్స్‌ కిచెన్
తెలంగాణకు చెందిన ఖ్వాజా మొయినుద్దీన్ స్థాపించిన యూట్యూబ్‌ చానల్‌.. కేవలం వంటల గురించి చెప్పేది మాత్రమే కాదు, ఈ క్రమంలోనే అనాథల కడుపులూ నింపుతోంది. తమ చానల్‌లో ప్రసారం చేయడం కోసం.. పెద్ద మొత్తాల్లో బిరియానీ, పలావ్‌ వంటి వంటలు వండటం, తర్వాత ఆ వంటను అనాథ పిల్లలకు పంచి పెట్టడం.. ఇదీ నవాబ్స్‌ కిచెన్ పనిచేసే తీరు. ఖ్వాజా మొయినుద్దీన్ తన మిత్రులతో కలిసి ఈ చానల్‌ మొదలుపెట్టారు. ఉద్యోగం మానేయడంతోపాటు మరెన్నో సమస్యలు వచ్చినా ఎదుర్కొని ముందుకు సాగిన ఖ్వాజాకు ఇప్పుడు తన చానల్‌ ద్వారా స్థిరమైన ఆదాయం లభిస్తోంది. అటు అనాథలకూ ఆహారం అందివ్వగలుగుతున్నాడు.
స్ఫూర్తినిచ్చే.. తెలుగు గీక్స్‌
ఆయన పేరు పోతుల ఫణిదీప్‌.. వైద్యుడు.. కొన్నేళ్ల క్రితం ఆస్పత్రిలో పనిచేస్తుండగా వేళ్లు వణుకుతున్నట్టు గుర్తిం చారు. ‘అమయోట్రోపిక్‌ లాటెరల్‌ స్కెలరోసిస్‌ (ఏఎల్‌ఎస్‌)’ఉన్నట్టు తేలడంతో ఉద్యో గం వదిలేయాల్సి వచ్చింది. ఈ క్రమంలోనే ఫణిదీప్‌ తన నిరాశ, నిస్పృహలను దూరం చేసుకునేందుకు యూట్యూబ్‌ చానల్‌ మొదలుపెట్టాడు. వ్యక్తిత్వవికాసానికి దోహదపడే వీడి యోలు రూపొందించారు. ప్రపంచ ప్రసిద్ధి చెందిన పుస్తకాల విషయాలను తెలుసుకోండి ఉచితంగా.. అని తెలుగులో రాసిన కవర్‌పేజీతో వచ్చే తెలుగు గీక్స్‌కు దాదాపు 14 లక్షల మంది సబ్‌స్క్రైబర్లు ఉన్నారు. ఫణిదీప్‌ నెలసరి ఆదాయం రూ.1.5లక్షలు.
ఎం4టెక్‌.. సైన్స్ పాఠాలతో..
పిల్లలకు ఆసక్తికర రీతిలో సైన్స్ పాఠాలు అందించే లక్ష్యంతో కేరళకు చెందిన జియోజోసెఫ్‌ మొదలుపెట్టిన చానల్‌ ఇది. సొంతంగా చేసుకోగల శాస్త్రీయ పరిశోధనలే ఈ చానల్‌ కంటెంట్‌. ఒక వీడియో బాగా వైరల్‌ కావడంతో జోసెఫ్‌ తన మిత్రుడు ప్రవీణ్‌తో కలిసి మరింత కంటెంట్‌ను రెగ్యులర్‌గా అందించడం మొదలుపెట్టాడు. తక్కువ కాలంలోనే చానల్‌ సబ్‌స్రై్కబర్ల సంఖ్య 74 లక్షలకు చేరుకుంది. నెలకు రూ.లక్షల్లో ఆదాయమూ తెచి్చపెడుతోంది. ఎం4టెక్‌ చానల్‌లోని వీడియోల స్ఫూర్తితో ఇప్పుడు విద్యార్థులు సైన్స్ పోటీలకు సిద్ధమవుతున్నారంటే దాని ప్రభావం ఏమిటన్నది అర్థమైపోతుంది.
More Articles
