ఈ క్రమంలో ప్రభుత్వం సైతం తరగతుల నిర్వహణకు ఏర్పాట్లు చేస్తోంది. అయితే.. డిగ్రీలో ప్రవేశాలకు.. ఇప్పటి వరకు రెండు విడుత‌ల అడ్మిషన్లు పూర్తికాగా, ప్రస్తుతానికి మూడో విడుత కొనసాగుతున్నాయి. తాజాగా డిగ్రీ ఆన్‌లైన్‌ సర్వీసెస్‌ తెలంగాణ (దోస్త్) మూడో విడుత దరఖాస్తుల గడువును పొడగిస్తూ తెలంగాణ ఉన్నత విద్యామండలి నిర్ణయం తీసుకుంది. దోస్త్ మూడో విడుత రిజిస్ట్రేషన్లు సహా వెబ్‌ ఆప్షన్ల గడువును పొడగించినట్లు ఉన్నత విద్యామండలి చైర్మన్‌ ప్రొఫెసర్‌ ఆర్‌ లింబాద్రి సెప్టెంబర్15న వెల్లడించారు.
అంతేకాకుండా ఒకే కాలేజీలో కోర్సులు మార్చుకునేందుకు గాను ఇంట్రాకాలేజీలో వెబ్‌ ఆప్షన్ల షెడ్యూల్‌ను సైతం ఆయన ప్రకటించారు. డిగ్రీలో ప్రవేశాల కోసం రూ. 400 ఫీజుతో దోస్త్ రిజిస్ట్రేషన్ సెప్టెంబర్ 20వ తేదీ వరకు అవ‌కాశం ఉన్నట్లు తెలిపారు. వెబ్‌ ఆప్షన్లు సెప్టెంబర్ 23వ తేదీ, సీట్లు కేటాయింపు సెప్టెంబర్ 27, ఆన్‌లైన్‌ సెల్ఫ్‌ రిపోర్టింగ్ సెప్టెంబర్ 30, క‌ళాశాల‌లో రిపోర్టింగ్ సెప్టెంబర్ 30వ తేదీ వరకు అవ‌కాశం ఉన్నట్లు లింబాద్రి వెల్లడించారు.
చదవండి:
Tags
More Articles
Most Read
