అక్టోబ‌ర్ 26న ఏబీవీపీ నగర శాఖ ఆధ్వర్యంలో శాతవాహన యూనివర్సిటీ వైస్‌ చాన్స్‌లర్‌కు వినతిపత్రం అందజేశారు. ఈ సందర్భంగా బామండ్ల నందు మాట్లాడుతూ ఐదో సెమిస్టర్‌ పరీక్షలకు సంబంధించిన సెలబస్‌ పూర్తి కానందున విద్యార్థులు తీవ్ర ఆందోళన చెందుతున్నారని తెలిపారు. గతనెల పండుగల నేపథ్యంలో అనేక సెలవులు రావడం వల్ల విద్యార్థులు తమకు సంబంధించిన సెలబస్‌ పూర్తికాలేదన్నారు.
చదవండి: KNRUHS: బీఎస్సీ అలాయిడ్‌ హెల్త్‌ సైన్సెస్‌ డిగ్రీ కోర్సుల్లో ప్రవేశాలకు దరఖాస్తులు
విద్యార్థుల భవిష్యత్‌ను దృష్టిలో ఉంచుకుని సెలబస్‌ పూర్తయ్యేంతవరకు పొడిగించాలని డిమాండ్‌ చేశారు. ఈ విషయమై యూనివర్సిటీ వీసీ సానుకూలంగా స్పందించి విద్యార్థులకు న్యాయం చేసే విధంగా నిర్ణయం తీసుకుంటామని హామీ ఇచ్చినట్లు తెలిపారు. ఈ కార్యక్రమంలో ఏబీవీపీ రాష్ట్ర కార్యవర్గ సభ్యులు పూసాల సాయి విష్ణు, ఎస్‌ఎఫ్‌డీ ఇన్‌చార్జి శ్రివర్ధన్‌, వెంకటేష్‌, నాగరాజు, శ్రీకాంత్‌, విద్యార్థులు తదితరులు పాల్గొన్నారు.
More Articles
