సీఏ-ఇంటర్‌లో రాణించాలంటే...?

తార్కిక ఆలోచనా విధానం ముఖ్యం...
 తొలుత ప్రిపరేషన్‌కు సంబంధించి ప్రణాళిక రూపొందించుకోవాలి. చివరి వరకు దీన్ని అనుసరించాలి. సమయస్ఫూర్తి, తార్కిక ఆలోచనా విధానం ద్వారా ఏ ప్రశ్నకైనా సులువుగా కచ్చితమైన సమాధానం ఇచ్చేందుకు అవకాశముంటుంది. విద్యార్థులు విశ్లేషణాత్మక నైపుణ్యాన్ని పెంపొందించుకోవాలి. ప్రిపరేషన్ సందర్భంగా వచ్చే సందేహాలను ఎప్పటికప్పుడు ఫ్యాకల్టీ సహాయంతో నివృత్తి చేసుకోవడం తప్పనిసరి. అకౌంటెన్సీ, అడ్వాన్స్‌డ్ అకౌంటెన్సీ, కాస్టింగ్‌పై పట్టు చిక్కాలంటే ప్రాక్టీస్ ముఖ్యం.
 - ఎం.ఎస్.ఎస్.ప్రకాశ్, డెరైక్టర్ మాస్టర్ మైండ్స్
 
 ఏకకాలంలో సన్నద్ధతతో...
 నాన్న త్రినాధరావు చార్టర్డ్ అకౌంటెంట్. ఆయన్ను స్ఫూర్తిగా తీసుకొని ప్రిపరేషన్ కొనసాగించాను. ఇంటర్మీడియెట్ ఎంఈసీ చదువుతూనే సీఏ-సీపీటీ, సీఎంఏ ఫౌండేషన్‌కు ఏకకాలంలో సిద్ధమయ్యాను. ఒక ప్రణాళిక ప్రకారం సబ్జెక్టులను విభజించుకుంటూ చదవడం వల్ల ఆలిండియా స్థాయిలో టాప్ ర్యాంకులు సొంతమయ్యాయి. సీఏ-సీపీటీలో 4వ ర్యాంకు, సీఎంఏ ఫౌండేషన్‌లో మూడో ర్యాంకు, సీఎంఏ ఇంటర్‌లో 13వ ర్యాంకు, సీఎంఏ ఫైనల్లో రెండో ర్యాంకు సాధించాను.
 - నారాయణచెట్టి ఆకర్ష్, సీఎంఏ ఫైనల్ రెండో ర్యాంకర్.
 
 పోటీతత్వం ప్రధానం :
 సీఎంఏ కోర్సుకు తక్కువ సమయాన్నే కేటాయించినా, పూర్తి ఏకాగ్రతతో చదివాను. సెల్ఫ్ మోటివేషన్‌తో ముందడుగు వేశా. సీఏ కోర్సుపై పూర్తిస్థాయిలో దృష్టిసారించా. సీఏ ఫైనల్‌ను మొదటి ప్రయత్నంలోనే పూర్తిచేయడంతో పాటు ఆలిండియా 34వ ర్యాంకు సాధించాను. సీఎంఏ ఫైనల్లో ఆలిండియా 4వ ర్యాంకు వచ్చింది. నాలో ఉన్న పోటీతత్వమే టాప్ ర్యాంకులు రావడానికి కారణం. సీఏ వంటి కోర్సుల్లో విజయానికి ఇది చాలా అవసరం.
 - కొల్లూరు సత్యస్వరూప్, సీఏ ఫైనల్ 34వర్యాంకర్, సీఎంఏ ఫైనల్ 4వ ర్యాంకర్.