వ్యవసాయ డిప్లొమాలు

• ఓసీ, బీసీ విద్యార్థులు 5.0 గ్రేడ్ పాయింట్ ఏవరేజ్ (జీపీఏ), ఎస్సీ, ఎస్టీ, వికలాంగులు 4.0 జీపీఏతో పదో తరగతి ఉత్తీర్ణత. ఒకటి నుంచి పదో తరగతి వరకు కనీసం నాలుగేళ్లు గ్రామీణ ప్రాంతాల్లో (నాన్ మునిసిపల్ ఏరియాల్లో) చదివుండాలి.
• వయోపరిమితి: ఆగస్టు 31 నాటికి 15 ఏళ్లు పూర్తయి ఉండాలి. అదేవిధంగా 22 ఏళ్లు మించరాదు.

ఉన్నత విద్య
డిప్లొమా ఇన్ అగ్రికల్చర్, సీడ్ టెక్నాలజీ కోర్సుల ఉత్తీర్ణులు నాలుగేళ్ల బీఎస్సీ అగ్రికల్చర్ కోర్సులో చేరొచ్చు. బీఎస్సీ (అగ్రికల్చర్) తర్వాత పీజీ, పీహెచ్‌డీ వంటి కోర్సులు అభ్యసించొచ్చు. డిప్లొమా ఇన్ అగ్రికల్చరల్ ఇంజనీరింగ్ ఉత్తీర్ణులు ప్రవేశపరీక్ష ద్వారా నేరుగా నాలుగేళ్ల బీటెక్ (అగ్రి ఇంజనీరింగ్) సెకండియర్‌లో ప్రవేశించొచ్చు.

కెరీర్
డిప్లొమా ఇన్ అగ్రికల్చర్, అగ్రికల్చర్ ఇంజనీరింగ్ ఉత్తీర్ణులు ప్రభుత్వ రంగంలో వ్యవసాయ విస్తరణాధికారులుగా పనిచేయొచ్చు. ప్రైవేటు రంగంలో వ్యవసాయ పరికరాలు, విత్తన తయారీ సంస్థల్లో, ఎరువులు, రసాయనాల కంపెనీల్లో ఉద్యోగాలుంటాయి. ప్రారంభంలో నెలకు రూ.15 వేలతో కెరీర్ ప్రారంభమవుతుంది. తర్వాత పనితీరును బట్టి నెలకు రూ.25 వేలు పొందొచ్చు.

ప్రవేశ ప్రకటన : మే చివరి వారం/జూన్
వివరాలకు:  www.pjtsau.ac.in, www.angrau.ac.in చూడొచ్చు.

పదో తరగతి మార్కుల ఆధారంగా అగ్రికల్చర్ పాలిటెక్నిక్‌లో ప్రవేశం కల్పిస్తారు. ముఖ్యంగా ఈ కోర్సుని అభ్యసించాలనుకునేవారు కనీసం నాలుగేళ్లపాటు నాన్ మున్సిపల్ ప్రాంతంలో చదివి ఉండాలి. గ్రామీణ ప్రాంతాల్లోని యువతకు వ్యవసాయంపై అవగాహన కల్పించడం, వారికి వ్యవసాయ రంగంపై మక్కువ ఏర్పడే లా చేయడం ఈ కోర్సుల ప్రధాన ఉద్దేశం. ఈ రంగంలో ఉన్నత చదువులు చదవాలనుకునే వారు అగ్రిసెట్ ద్వారా బీఎస్సీ (అగ్రికల్చర్) కోర్సులో ప్రవేశం పొందొచ్చు. తెలుగు రాష్ట్రాల్లో వ్యవసాయ రంగానికి అధిక ప్రాధాన్యత ఇవ్వడం, అనేక పథకాలను ప్రవేశపెట్టడం వల్ల ఈ కోర్సులు పూర్తిచేసిన వారికి అనేక అవకాశాలున్నాయి. డా॥పి.రఘురామిరెడ్డి, ప్రిన్సిపాల్, అసోసియేట్ డెరైక్టర్ ఆఫ్ రీసెర్చ్, ఆర్‌ఏఆర్‌ఎస్ - వరంగల్

అగ్రికల్చర్ కోర్సులు ప్రధానంగా గ్రామీణ యువతను వ్యవసాయం వైపు ప్రోత్సహించడానికి రూపొందించారు. విత్తన, ఫర్టిలైజర్ సంస్థలు అగ్రి ఉత్తీర్ణులను ఎంపిక చేసుకుంటున్నాయి. వీరికి అగ్రికల్చర్ బీఎస్సీలో 15 శాతం సీట్లను కేటాయించారు. అర్హత గల వారిని ప్రభుత్వం అగ్రికల్చర్ ఎక్స్‌టెన్షన్ ఆఫీసర్ (ఏఈఓ)లుగా నియమిస్తోంది. డా॥ఎ.శ్రీనివాస్, ప్రిన్సిపాల్, అసోసియేట్ డెరైక్టర్ ఆఫ్ రీసెర్చ్, ఆర్‌ఏఆర్‌ఎస్ - పాలెం.