TSPSC Group 2 & 3 Posts Increasing 2024 : కేబినెట్ కీల‌క నిర్ణయం.. గ్రూప్–2, గ్రూప్- 3 పోస్టుల సంఖ్య భారీగా పెంపు ఇలా..?
అయితే ప్రభుత్వం గ్రూప్-2, గ్రూప్–3 నోటిఫికేష‌న్‌ల్లోని పోస్టుల సంఖ్యను పెంచే ప్రతిపాదనపై.. మార్చి 12వ తేదీన జరిగే తెలంగాణ మంత్రివర్గ సమావేశంలో ముఖ్య‌మంత్రి రేవంత్ రెడ్డి నిర్ణయం తీసుకుంటారని సమాచారం.
ఇప్పటికే ఆర్థిక శాఖ..
తాజాగా తెలంగాణ ఆర్థిక శాఖ గ్రూపు–2, గ్రూప్–3 ఖాళీ పోస్టుల వివరాలను అందించాలని వివిధ శాఖల వారీగా ఆదేశాలు జారీ చేసింది. ఇప్పటికే ఈ సమాచారాన్ని అన్ని శాఖలు ఆర్థిక శాఖకు అందించాయి. ఈ నేపథ్యంలో గ్రూప్ 2,గ్రూప్–3 నోటిఫికేషన్లలో పోస్టుల సంఖ్యను పెంచే అవకాశం ఉన్నట్లు సమాచారం.
☛ TSPSC Group 2 and group 3 exam dates, syllabus, exam type 2024
గ్రూప్-2, గ్రూప్-3 పోస్టుల పెంపు ఇలా..?
ఇప్పటికే గ్రూప్–1, టీచర్ పోస్టులను పెంచి నూతన నోటిఫికేషన్లు విడుదల చేసిన సంగతి తెలిసిందే. అయితే గ్రూప్–2, గ్రూప్–3 నోటిఫికేషన్లలో అనుబంధ నోటిఫికేషన్లు జారీ చేసి పోస్టుల సంఖ్య పెంచే అవకాశం ఉంది. టీఎస్‌పీఎస్సీ గ్రూప్-2లో దాదాపు 783 పోస్టుల నుంచి 800 పోస్టుల వ‌ర‌కు, గ్రూప్-3లో 1388 పోస్టుల నుంచి దాదాపు 1500 పోస్టుల‌కు పెరిగే అవకాశం ఉంది. ఇటీవ‌లే టీఎస్‌పీఎస్సీ గ్రూప్-2 ఉద్యోగాల‌కు రాత‌ప‌రీక్ష‌ను ఆగ‌స్టు 7, 8 తేదీల్లో నిర్వ‌హింస్తామ‌ని తెలిపింది. అలాగే గ్రూప్-3 ఉద్యోగాల‌కు రాత‌ప‌రీక్ష‌ను నవంబర్ 17, 18 తేదీల్లో ప‌రీక్ష‌ల‌ను నిర్వ‌హింస్తామ‌ని టీఎస్‌పీఎస్సీ తెలిపింది.