Free Training in Digital Marketing: డిజిటల్‌ మార్కెటింగ్‌లో ఉచిత శిక్షణ
నిరుద్యోగ యువతీ యువకులకు ఉపాధి కల్పించేందుకు సోషల్‌ మీడియా ఎగ్జిక్యూటివ్‌ (డిజిటల్‌ మార్కెటింగ్‌) కోర్సులో మూడు నెలల పాటు ఉచిత శిక్షణ కార్యక్రమాన్ని నిర్వహిస్తున్నామని ప్రభుత్వ పాలిటెక్నిక్‌ కళాశాల ప్రిన్సిపాల్‌ ఎం.విజయసారథి ఓ ప్రకటనలో తెలిపారు.
ఆంధ్రప్రదేశ్‌ రాష్ట్ర నైపుణ్యాభివృద్థి సంస్థ (ఏపీఎస్‌ఎస్‌డీసీ) తమ కళాశాల సంయుక్తంగా ఈ శిక్షణను నిర్వహిస్తున్నామని తెలిపారు. ఇంటర్‌, డిప్లొమా, ఏదైనా డిగ్రీ విద్యార్హత కలిగిన వారు ఈ శిక్షణలో పాల్గొనడానికి అర్హులని తెలిపారు. శిక్షణ పూర్తి చేసిన వారికి ఏపీఎస్‌ఎస్‌డీసీ నుంచి సర్టిఫికెట్‌తో పాటుగా ప్రముఖ సంస్థల్లో ఉద్యోగావకాశాలు కల్పిస్తామని తెలియజేశారు.
ఆసక్తి, అర్హతలు ఉన్న వారు ఫిబ్రవరి 2వ తేదిలోగా విద్యార్హతా పత్రాలు, ఆధార్‌ కార్డు, ఈ మెయిల్‌ ఐడీ, మొబైల్‌ నంబర్‌తో విజయవాడ రమేష్‌ ఆస్పత్రి రోడ్డులోని ప్రభుత్వ పాలిటెక్నిక్‌ కళాశాల ఆవరణకు వెళ్లి పేర్లు నమోదు చేసుకోవాల్సిందిగా ఆయన కోరారు. ఇతర వివరాలకు 93477 79032, 80087 42842లో సంప్రదించాల్సిందిగా ఆయన కోరారు.