SCCL: మెడికల్‌ బోర్డు అవకతవకలపై ఏసీబీ విచారణ

Sakshi Education

సింగరేణి (కొత్తగూడెం): సింగరేణి సంస్థలో ఇటీవల జరిగిన మెడికల్‌ బోర్డు నిర్వహణలో జరిగిన అవకతవకలపై ఏసీబీ అధికారులు మే 28న‌ విచారణ చేపట్టారు.

ACB investigation into Singareni medical board management ACB inquiry into medical board irregularities ACB officials conducting inquiry into Singareni medical board management

కొత్తగూడెం ఏరియా పరిధిలోని ఓ గెస్ట్‌హౌస్‌లో మధ్యాహ్నం, సింగరేణి మెయిన్‌ ఆస్పత్రిలో సాయంత్రం విచారణ చేసినట్లు తెలిసింది. మెడికల్‌ బోర్డ్‌ జాబితాలో ఉన్న ఉద్యోగులను వేర్వేరుగా పిలిచి...మెడికల్‌ ఇన్‌వాలిడేషన్‌ కావడానికి గల కారణాలు, వారికి ఉన్న జబ్బుల వివరాలపై ఆరా తీశారు.

చదవండి: SCCL: ఉచితంగా వేసవి శిక్షణ శిబిరాలు

మెడికల్‌ బోర్డు నిర్వహణలో దళారీ వ్యవస్థను రూపుమాపే బాధ్యతను సీఎండీ ఎన్‌.బలరామ్‌ ఇటీవల ఏసీబీకి అప్పగించిన విషయం తెలిసిందే. ఈ నేపథ్యంలో ఏసీబీ అధికారులు విచారణ చేపట్టడంతో దళారుల గుండెల్లో రైళ్లు పరుగెడుతున్నాయి. వీరు కొంతకాలంగా ప్రజాప్రతినిధులు, యూనియన్‌ నాయకుల అండతో మెడికల్‌బోర్డు నిర్వహణలో దందాలు కొనసాగిస్తున్నారనే ఆరోపణలు వినిపిస్తున్నాయి.

Published date : 29 May 2024 01:43PM