TGPSC JL and Group 4 Candidates Protest at TSPSC Office and Gandhi Bhavan

Sakshi Education

సాక్షి ఎడ్యుకేష‌న్ : తెలంగాణ ప‌బ్లిక్ స‌ర్వీస్ క‌మిష‌న్ (TSPSC) తీరుపై నిరుద్యోగులు ఆందోళ‌న వ్య‌క్తం చేస్తున్నారు. ప‌రీక్ష‌లు నిర్వ‌హించి.. ఫ‌లితాల విడుద‌ల‌లో కూడా జాప్యం చేస్తున్నారు.

అలాగే జూనియర్‌ లెక్చరర్‌ (జేఎల్‌), గ్రూప్‌ 4 పరీక్షల తుది ఫలితాలను విడుదల చేయాలని డిమాండ్‌ చేస్తూ పలువురు అభ్యర్థులు అక్టోబ‌ర్ 3వ తేదీన‌(గురువారం) హైదరాబాద్‌ నాంపల్లిలోని టీజీపీఎస్సీ కార్యాలయాన్ని ముట్టడించారు.

☛➤ DSC 2024 Appointment Letters: 9న టీచర్‌ నియామక పత్రాలు అందజేత.. గ్రూప్‌–1 పరీక్షల ఫలితాలు ఇలా..

గ్రూప్‌-4 అభ్యర్థులు గాంధీభన్ వద్ద‌...
అనంతరం గ్రూప్‌-4 అభ్యర్థులు తెలంగాణ కాంగ్రెస్‌ రాష్ట్ర కార్యాలయమైన గాంధీభన్‌ను కూడా ముట్టడించారు. ఆయా చోట్ల అభ్యర్థులు తుది ఫలితాల ప్రకటనలో జాప్యంపై తీవ్ర నిరసన వ్యక్తంచేశారు. వెంట‌నే ఫలితాలను ప్రకటించాలన్నారు. అలాగే డీఎస్సీ అభ్యర్థులతో పాటు మాకు కూడా ఎల్బీ స్టేడియంలో నియామకపత్రాలు ఇవ్వాలని డిమాండ్‌ చేశారు.

☛➤ TGPSC Group 1 Mains Postpone : టీఎస్‌పీఎస్సీ గ్రూప్ 1 మెయిన్స్‌ పరీక్ష రాసే అభ్య‌ర్థులు భ‌యం భయంతో...! ఎందుకంటే..?

దసరా పండ‌గ‌లోపే...
దసరా పండ‌గ‌లోపే నియామకాలను పూర్తిచేయాలని డిమాండ్‌ చేశారు. TSPSC 2022లో జేఎల్‌ నోటిఫికేషన్‌ను విడుదల చేసి.., 2023లో పరీక్షలను నిర్వహించి.., 2024లో సర్టిఫికెట్‌ వెరిఫికేషన్ కూడా పూర్తి చేశారు. అయితే దీనికి సంబంధించిన తుది ఫలితాలను విడుదల చేయాల్సి ఉన్నది.