10th Class & Inter: సులభతరం ‘Open School’ విధానం

Sakshi Education

విద్యారణ్యపురి : చదువు మధ్యలో ఆపివేసిన, బడికి వెళ్లే పరిస్థితి లేని వారికి సార్వత్రిక విద్య(ఓపెన్‌ స్కూల్‌) విధానం ఎంతో సులభమైంది.

Open School policy Flexible Learning Opportunity Easy Access to Open School System

మళ్లీ చదువుకునేందుకు అభ్యాసకులకు ఓపెన్‌ స్కూల్‌ విద్య ఓ వరమని ఉమ్మడి వరంగల్‌ జిల్లా ప్రోగ్రాం కోఆర్డి నేటర్‌ మురాల శంకర్‌రావు అన్నారు. జ‌నవ‌రి 28న‌ హనుమకొండలోని ప్రభుత్వ మర్కజీ హైస్కూల్‌, ప్రభుత్వ ప్రాక్టిసింగ్‌ హైస్కూల్‌లో ఓపెన్‌ పది, ఇంటర్‌ విద్యార్థులకు నిర్వహిస్తున్న అధ్యయన తరగతులను ఆయన పరిశీలించారు.

ప్రతి రెండో శనివారం, జ‌నవ‌రి 28న‌ తప్పనిసరిగా విద్యార్థులు తరగతులకు హాజరు కావాలని కోరారు. ఈసందర్భంగా ఆయన విద్యార్థులకు పాఠ్య పుస్తకాలను అందజేసి, మాట్లాడారు. ఈ కార్యక్రమంలో ఆయా హెచ్‌ఎంలు రామారావు, జగన్‌, అసిస్టెంట్‌ కోఆర్డినేటర్‌ నరేందర్‌రెడ్డి, భిక్షపతి, కౌన్సిలర్లు తదితరులు పాల్గొన్నారు.

Published date : 30 Jan 2024 11:19AM