NEET UG Exam 2023 Question Paper & Key available in Sakshi Education

Sakshi Education

సాక్షి, ఎడ్యుకేష‌న్‌: దేశవ్యాప్తంగా వైద్య విద్యా కోర్సుల్లో ప్రవేశాల కోసం నిర్వహించే నీట్‌ యూజీ (NEET UG 2023) పరీక్ష ఆదివారం ప్ర‌శాంతంగా ప్రారంభ‌మైంది. పెన్ను, పేపర్‌ విధానంలో దేశవ్యాప్తంగా 499 నగరాలు/పట్టణాల్లో మధ్యాహ్నం 2 గంటల నుంచి ప‌రీక్ష ప్రారంభ‌మైంది. తెలుగుతో పాటు 13 భాషల్లో జరిగే ఈ పరీక్షకు దాదాపు 18 లక్షల మందికి పైగా విద్యార్థులు హాజరైన‌ట్లు అధికారులు చెబుతున్నారు.

రెండు జాతుల మ‌ధ్య జ‌రిగిన ఘ‌ర్ష‌ణ‌ల్లో త‌లెత్తిన హింస వ‌ల్ల మ‌ణిపూర్‌లో నీట్ ఎగ్జామ్‌ను ప్ర‌భుత్వం వాయిదా వేసింది. ఆ ఒక్క రాష్ట్రంలో మిన‌హా మిగిలిన అన్ని రాష్ట్రాల్లో ప‌రీక్ష ప్ర‌శాంతంగా ప్రారంభ‌మైంది. కొన్ని చోట్ల విద్యార్థులు ప‌రీక్ష కేంద్రాల‌కు చేరుకునేందుకు ఇబ్బందులు ప‌డ్డారు. మొత్తానికి రెండు తెలుగు రాష్ట్రాల‌తో పాటు దేశ వ్యాప్తంగా ప‌రీక్ష ప్రారంభ‌మైంది. సాయంత్రం 5.20 గంట‌ల‌కు ప‌రీక్ష ముగుస్తుంది.

చ‌ద‌వండి: శ‌భాష్ అమ్మా... డిజిటల్‌ విధానంలో పరీక్ష పాసై చరిత్ర సృష్టించిన దివ్యాంగ అమ్మాయిలు

నీట్ ప‌రీక్ష‌ముగియ‌గానే సాక్షి ఎడ్యుకేష‌న్‌లో నీట్ ప‌రీక్ష‌కు సంబంధించిన ప్ర‌శ్న ప‌త్రం అందుబాటులో ఉంటుంది. అలాగే స‌బ్జెక్టు నిపుణుల‌తో మాట్లాడిన త‌ర్వాత నీట్ కీని కూడా విద్యార్థుల కోసం సాక్షి ప్ర‌త్యేకంగా చేయిస్తుంది. ప‌రీక్ష పేప‌ర్‌తో పాటు కీని మీరు చూసుకోవ‌చ్చు. అయితే ఇది కేవ‌లం విద్యార్థుల అవ‌గాహ‌న కోసం మాత్ర‌మే. అంతిమంగా అధికారులు విడుద‌ల చేసే కీనే అధికారికంగా ప‌రిగ‌ణ‌లోకి తీసుకోవాల్సి ఉంటుంది.

Published date : 07 May 2023 02:45PM